Huawei brendinin maraqla gözlənilən smartfon seriyası Huawei P70 barədə ilk məlumatlar paylaşılıb. Belə ki, flaqman Huawei P70 seriyası unikal kamera sistemi ilə bu sahədə bir ilkə imza ataraq təqdim ediləcək. Bildiyiniz kimi, ABŞ-ın qara siyahısına salınan Huawei şirkətinə 5G, Android əməliyyat sistemi və ABŞ-a məxsus texnologiyalardan istifadə qadağan edilib. Bununla belə bu yaxınlarda təqdim edilən Huawei Mate 60 və Mate 60 Pro, 5G dəstəyi və Kirin 9000S ilə texnologiya dünyasını təəccübləndirməyi bacarmışdı. Məhz bu yenilikdə sonra bütün diqqətlər Huawei brendinə çevrilmişdi.
İndi isə məşhur analitik Ming-Chi Kuo Huawei P70 seriyasının buraxılış tarixini və bəzi xüsusiyyətlərini ortaya çıxarıb. Qeyd edək ki, Kuo son yazısında Huawei P70 seriyasının ümumilikdə üç modeldən P70, P70 Pro və P70 Pro Art-dən ibarət olacağını bildirib. Habelə bu smartfonların gələn ilin ilk yarısında təqdim ediləcəyi və bütün diqqətləri öz üzərinə çəkəcəyi bildirilir. Huawei cari hesabatlara görə ilin sonuna qədər 38 milyon smartfon tədarükünü keçəcək. 2024-cü ildə isə bu rəqəmin 60 milyona çatacağı bildirilir. Hətta bu göstəricinin əksəriyyəti P70 seriyasına aid ola bilər.
Ming-Chi Kuo bildirir ki, yeni Huawei P70 seriyası unikal kamera dizaynı ilə bu sahədə bir ilkə imza atacaq. Çinli Largan və Sunny Optical istehsalçıları bu barədə əllərindən gələnin ən yaxşısını edəcək. Huawei P70 5P obyektiv və 1/3,6 düymlük telefoto sensor təklif edəcək. Huawei P70 Pro isə arxa tərəfdə 1/2,5 düymlük sensoru olan 6P böyütmə obyektivi təklif edəcək. Həmçinin bildirilib ki, P70 Pro Art modeli 1G6P obyektiv və ultra geniş bucaqlı kamera üçün 1 düymlük sensorla təqdim olunacaq.
