HONOR 300 seriyası təqdim edilib!

HONOR uzun müddətdir ki, gözlənilən 300 seriyasını təqdim edib. Qeyd edək ki, HONOR 300 seriyası daxilində HONOR 300, 300 Pro və 300 Ultra modelləri yer alır. Orta-üst seqmentə müraciət edən bu seriya qabaqcıl selfie kameraları ilə seçilir.

Qeyd edək ki, seriya daxilində yer alan smartfon dizaynı ilə də diqqətləri öz üzərinə cəlb etməyi bacarıb. Gəlin əvvəlcə HONOR 300 və 300 Pro modellərindən danışan. HONOR 300 modeli 6,7 düymlük düz ekranla gəlsə də, HONOR 300 Pro 6,78 düymlük əyri AMOLED ekrana sahibdir. 120 Hz yeniləmə tezliyi olan ekranlar 4000 nit pik parlaqlığa çata bilər.

Prosessor tərəfində isə HONOR 300 modeli Snapdragon 7 Gen 3, 300 Pro isə keçən ilki flaqman Snapdragon 8 Gen 3 çipseti ilə təchiz edilib. Ən əsas məsələlərdən biri isə smartfonların kamerasıdır. Belə ki, HONOR 300 50MP əsas, 12MP ultra geniş bucaqlı kameradan ibarət ikili kamera quruluşuna sahib olsa da, 300 Pro əlavə olaraq 50 MP Sony IMX856 sensoru ilə 3x zoom təklif edən telefoto kamerasına malik olub. Habelə, ön tərəfdə hər iki smartfon 50MP f/2.1 selfie kamerası ilə portret fotoşəkilləri çəkə bilir.

Hər iki telefon silikon karbon texnologiyası ilə təchiz edilmiş 100 Vt sürətli şarj dəstəkləyən 5300 mAs batareya həcminə sahib olub. Bununla belə, HONOR 300 Pro modeli əlavə olaraq 80 Vt simsiz şarj dəstəkləyir. Android 15 əsaslı MagicOS 9.0 ilə qutudan çıxan smartfonlar artıq Çin bazarında satışa çıxarılıb. Qiymətlər isə aşağıdakı kimidir:

HONOR 300

8 GB / 256 GB: 320 dollar
12 GB / 256 GB: 350 dollar
12 GB / 512 GB: 384 dollar
16 GB / 512 GB: 412 dollar

HONOR 300 Pro

12 GB / 256 GB: 470 dollar
12 GB / 512 GB: 510 dollar
16 GB / 512 GB: 550 dollar

HONOR 300 Ultra hansı xüsusiyyətlərə sahibdir?

HONOR 300 seriyası daxilində yer alan bir digər model də flaqman xüsusiyyətləri münasib qiymətə təklif edən HONOR 300 Ultra modelidir. Şirkət bu il ötən ildən fərqli olaraq seriyaya 300 Ultra adlı yeni bir model əlavə edib. HONOR 300 Ultra, flaqman xüsusiyyətlərini münasib qiymətə istifadəçilərə təqdim etməyi hədəfləyir.

6,78 düymlük AMOLED ekran ilə təchiz edilən smartfon 120 Hz ekran yenilənmə sürəti, HDR dəstəyi və 4000 nit pik parlaqlıq səviyyəsi kimi xüsusiyyətlərə sahib ekran təcrübəsi təklif edir. Seriyanın digər üzvlərindən fərqli olaraq, 300 Ultra istifadəçilərə ekran altında yer alan ultrasəs barmaq izi oxuyucusu təklif edir.

Kamera tərəfində isə 300 Ultra modeli 50 MP əsas kamera, 50 MP IMX858 sensoru ilə 3,8x optik böyütmə qabiliyyətinə malik periskop telefoto kamera və 12 MP ultra geniş bucaqlı kamera ilə təchiz edilib. Habelə, ön tərəfdə smartfon 50 MP selfi kamerası ilə yüksək keyfiyyətli portret fotoşəkilləri vəd edir.

HONOR bildirib ki, bütün HONOR 300 seriyası ən yüksək portret fotoqrafiya təcrübəsi təklif edir. Üstəlik, HONOR iddia edir ki, bu, DSLR səviyyəsində bulanıqlığa nail ola bilən yeganə Android smartfon seriyasıdır. Bu nəticə, DSLR kamera linzalarının müxtəlif diyafraqmalarda, fokus uzunluqlarında və obyektdən məsafələrdə bulanıqlıq effektinin uzunmüddətli tədqiqi nəticəsində əldə edilib.

Həmçinin elan edilib ki, HONOR 300 seriyası Douyin, Kuaishou, Weibo, Xiaohongshu, Meitu Xiuxiu və Meitu Picture kimi bir çox Çin mənşəli sosial media platformalarında paylaşılan şəkilləri 2K keyfiyyətdə yükləməyi mümkün edəcək.

HONOR həmçinin bildirir ki, o, real işıq və kölgə effektlərinə nail olmaq üçün xüsusi AI İşığa Nəzarət Mühərriki ilə fotoşəkillərinizi ən yüksək keyfiyyətdə emal edir. HONOR 300 Ultra, seriyanın digər üzvləri kimi, silikon karbon texnologiyalı 5300 mAh batareya ilə gəlir. 300 Pro modeli kimi, bu modeldə də 100 Vt simli, 80 Vt simsiz şarj dəstəyi mövcuddur. Snapdragon 8 Gen 3 ilə təchiz edilmişd smartfonun qiymətləri isə aşağıdakı kimidir:

HONOR 300 Ultra