Rəqəmsal ödəmə sistemləri və təmassız ödəmə cihazları Covid-19 pandemiyası ərəfəsində populyarlıq qazandı. Sosial məsafə, sağlıq önləmləri və limitləmələr istehlakçıları məhsul və xidmət almaq üçün fərqli ödəmə yollarına doğru yönəltdi. Apple şirkətinin ödəmə sistemi olan Apple Pay ödəniş sistemi bu müddət boyunca sürətli böyüyən texnoloji trendlərdən biri idi. Bu məqalədə sizinlə birlikdə təmassız ödəmələrin önümüzdəki ərəfədə niyə trend olaraq qalacağından bəhs edəcəyik.
- Apple Pay 2020-ci ildə milyonlarla yeni istifadəçi qazandı.
2020 Noyabrında yayımlanan və 2016-2020 illəri boyunca davam edən araşdırma nəticəsində sadəcə son 4 ildə bu servisin istifadəçilərinin 6 qat artdığı ortaya çıxdı. 2016-cı ildə sadəcə 67 milyon istifadəçisi olan ödəmə sistemi istifadəyə verildiyi və ondan sonrakı bir neçə il ərzində populyarlıq qazana bilməmişdi. Buna baxmayaraq 2020-ci ildə bu rəqəm 507 milyona çatdı. - 2020-ci ildə ABŞ-da smartfonların təxminən 93%-nin Apple Pay sisteminə əlaqəsi var idi.
ABŞ-da bu servisin sürətlə yayılması təəccüb verici bir hadisə olub. 2015-ci ildə iOS cihazlarının sadəcə 39%-i Apple Pay sistemini problemsiz istifadə edə bilirdi, lakin bu rəqəm sadəcə 5 il içərisində 93%-ə çatdı. Apple istehsalı olan köhnəlmiş cihazlar istifadədən çıxdıqca bu rəqəm heç şübhəsiz 100%-ə çatacaqdır. - Dünya üzrə iOS istifadəçilərinin 48%-dən çoxu 2019-cu il ərzində Apple ödəmə sistemini aktivləşdirdi.
2019 Sentyabr ayında istifadəçi statistikası göstərdi ki, 441 milyon insan bu sistemi aktivləşdirib. - Böyük Britaniya 2021-ci il boyunca Apple ödəmə sistemi istifadəsi üzrə lider oldu və ingilislərin 63%-i ən az bir dəfə bu servisdən istifadə etdi.
2021 avqust ayı etibarilə dünya üzrə ən çox elektron ödəmələr istifadə edən ölkə də məhz elə Böyük Britaniya oldu. Bəhs edilən bu elektron ödəmələrin böyük əksəriyyəti isə bu servis ilə həyata keçirildi. - ABŞ-da mobil ödəmə bazarının 44%-i Apple ödəmə sisteminin əlində cəmlənib.
iPhone smartfonunun global bazarda üçüncü yerdə olmasını nəzərə alsaq, iOS mobil cihazlarının Birləşmiş Ştatlarda bu qədər populyar olması və biçox Amerikalının ödəmə zamanı ödəniş sistemi istifadə etməsi heç də təəccüb verici səslənmir.
Apple Pay ödəmə sistemlərində liderdir.
- Apple-ın bu servisi dövriyyə həcminə görə ABŞ mobil ödəmə bazarının 92%-ni əlində tutmağı bacardı.
2020-ci ildə Apple Pay, Google Pay və Samsung Pay vasitəsi ilə ümumi 2 Milyard ödəmə prosesi tamamlandı və bunun 92%-i Apple ödəmə sistemi üzərində gerçəkləşdi. Google və Samsung ödəmə sistemlərinə isə 6%-dən daha az pay düşdü. - Global bazarda yarım milyard istifadəçisi olmasına baxmayaraq Apple Pay Çin bazarında demək olar ki, istifadə edilmir.
İstifadəçi statistikasına görə elektron ödəmə sistemlərinin Çində olduqca populyar olmasına baxmayaraq Apple xidməti bu bazarda demək olar ki, yer qazana bilmir. Bütün bunları diqqətlə dəyərləndirdiyimiz zaman görərik ki, digər ABŞ texnologiya şirkətləri kimi Apple-ın ödəmə sistemi də çinlilər tərəfindən qəbul görülmür. Çində iki nəhəng yerli ödəmə sistemi olan AliPay 650 Milyon nəfərlik və WeChat Pay 550 Milyon nəfərlik istifadəçi kütlələri ilə Çin elektron ödəmə bazarının 96%-ni əllərində tuturlar. - 2020-ci il boyunca dünya üzrə 5480 bank Apple ilə edilən ödəmələrini dəstəklədi.
2020-ci ildə bir öncəki ilə görə 29%-lik böyümə səviyyəsi görüldü. 2018-ci ildə isə bu rəqəm sadəcə 2707 idi. - Amerikalılar Apple Pay-ı ən çox nə üçün istifadə edirlər görəsən?
Statistika onu göstərir ki, ABŞ-dakı bütün Apple ödəmə dövriyyəsinin 41%-i McDonald’s mağazalarında baş verir. Eyni zamanda Macy’s müştərilərinin 36%-nin Apple ödəmə sistemindən istifadə etdiyi məlum olub. - Apple Pay ödəmə sistemindəki pul mənimsəmə hallarının miqdarı 2015-ci ildə 6%-ə çıxmışdı.
Bank kartlarında isə bu rəqəm 60 dəfə daha az idi. Yəni uzun sözün qısası, hər texnoloji məhsulun üstünlükləri olduğu kimi mənfi cəhətləri də var və Apple Pay-ın mənfi cəhədi təhlükəsizlik ilə bağlıdır.
Bu məqaləmizdə global bazarda mobil ödəmə davranışlarının hansı yöndə olduğundan yazdıq. Elektron ödəmə sistemləri son illərdə texnologiyanın sürətli inkişafı ilə trendlər arasında qalmağı bacardı. Ancaq görünən odur ki, istifadəçi təhlükəsizliyi mövzusunda elektron ödəmə şirkətlərinin gedəcəyi yol uzundur.
