Bu gün Azərbaycan üçün ən önəmli günlərdən biridir. Çünki, bu gün ölkəmiz 74-cü Beynəlxalq Astronavtika Konqresinə ev sahibliyi edir. Qeyd edək ki, tədbir 2-6 Oktyabr tarixləri arasında baş tutacaq. Hazırda tədbir böyük maraq cəlb edib və dünyanın ən önəmli adları tədbirdə iştirak edir. O cümlədən tədbirdə respublikamızın prezidenti cənab İlham Əliyev də çıxış edib. Bundan əlavə IAC 2023 tədbirində SpaceX və Tesla şirkətlərinin sahibi Elon Musk mükafata layiq görülüb. Söhbət 2023-cü ilin World Space Awards mükafatlarından gedir. Əslində bu mükafatın qalibləri daha əvvəldən hərkəsə məlum idi. İndi isə rəsmi olaraq şirkət təmsilçilərinə mükafatları təqdim edilib. Bildiyimiz kimi, Elon Musk bakıda keçiriləcək tədbirə virtual olaraq qoşulacağı üçün onun adından mükafarı SpaceX şirkətinin kommersiya direktoru Stefani Bednerak alıb.
Ümumiyyətlə Elon Musk-ın tədbirdə iştirak edib-etməyəcəyi uzunmüddət müzakirə mövzusuna çevrilmişdi. Bunun əsas səbəbi də məhz bu günkü mükafatdır. Elon Musk bu mükafata layiq görülsə də, o şəxsən mükafatı təslim ala bilməyib. Bundan əlavə qeyd edək ki, günün digər qalibi də ETH sürikdə Kosmik Proqramlar üzrə professor və direktor olan Tomas Zurbuxen-dir. Qeyd edək ki, o, Beynəlxalq Əməkdaşlıqda Mükəmməlliyə görə IAF mükafatına layiq görülüb. Bundan əlavə, Elon Musk-ın layiq görüldüyü mükafat eyni zamanda NASA, ESA, CSA James Webb Kosmik Teleskopu Qrupuna da təqdim edilib.
Mükafat verilərkən qeyd olunub ki, James Webb Kosmik Teleskopu Qrupunda hazırda 14 ölkədən 20 mindən çox üzv mövcuddur. Onların hər biri dünyanın yeni kosmik təcrübələr qazanmasında müstəsna rola malikdir. O cümlədən gələcəkdə qrupun daha yeni uğurlara imza atması da arzu edilib.
