Startup Grind Baku tərəfindən bu gün Sabah.Lab Akselerasiya Mərkəzində bu ilin altıncı görüşü baş tutdu. Bildiyiniz kimi, ötən Startup Grind tədbirimiz bu dəfə Workshop: “Məhsul Sahibliyi: Uğurlu Məhsul İnkişafı mövzusu ətrafında keçirildi.
Görüşün spikerləri Elnarə Teymurova və Səbinə Əliyeva olub, Məhsul sahibliyi, məhsullarınızı və xidmətlərinizi satmaq, idarə etmək və inkişaf etdirmək üçün əsas rol oynayan bir konseptdir. İdeal məhsul sahibinin, müştəriləri tələblərini anlamasından, məhsullarını və xidmətlərini doğru bir şəkildə göstərməsindən və inkişaf etdirməsindən bu tədbirimizdə ətraflı bəhs etdik. Məhsul nə qədər aktualdırsa, Məhsul Sahibi o qədər də ona cavabdehdir. Hər bir görülən iş, atılmış addım dəyər gətirməlidir. Müştərinin istəklərini bilərək, görülən işin dərinliklərinə istiqamətlənərək biz həqiqətən uğurlu məhsul və ya xidmət təklif edə bilərik.
“Məhsul Sahibliyi: Uğurlu Məhsul İnkişafı” | Tedroid Media
Startup Grind Baku tərəfindən bu gün Sabah.Lab Akselerasiya Mərkəzində bu ilin altıncı görüşü baş tutdu. Belə ki, bu görüşümüzün spikerləri Elnarə Teymurova və Səbinə Əliyeva oldu. Yaxşı bəs, Elnarə Teymurova və Səbinə Əliyeva “Məhsul sahibliyi”ətrafında nələrdən bəhs etdi?
“Məhsul Sahibliyi: Uğurlu Məhsul İnkişafı” tədbirindən ən diqqət çəkən məqamlar nələr oldu?
Elnarə Teymurovanın nitqi ilə başlayan tədbir, ilk olaraq öz təcrübəsini izah etməklə davm etdi. Əvvəllər Gucci, Dolce&Gabbana kimi brendlərlə işləyən Elnarə xanım, İtaliya və Fransadan məhsulların rəsmi olaraq Bakıda mağazalara gəlməsinə qədər tədarükü ilə məşğul olub. Daha sonra turizm sektorunda da beynəlxalq səviyyəli tədbirlərdə də töhfələrini verdikdən sonra, Product Owner konsepti ilə fəaliyyəti dövründə qarşılaşıb. Bu tərəfdən özünü təkmilləşdirməyə başlayan Elnarə Teymurova, daha sonra Paşa Bankda PO kimi ixtisaslaşmağa davam edib.
Product Owner anlayşına gəldikdə isə, ilk olaraq “məhsul nədir?” sualının cavabını tapmaq lazımdır. Əvvəlcə PO-nun vəzifəsi yeni bir məhsul ortaya çıxarmaqda ideyanın formalaşdırmasından əlavə, onu reallaşdırmağın mümkünlüyünü sübut edən, sanki strategiyaları hazırlamaqdır. Bir məhsulu yaratmaq üçün rəhbərinizin qarşınıza çıxdıqda “vizyonunuz” məhsulun yaradılmasında əsas kilid rola malik olacaq. Əks halda məhsul yaratmaq olduqca çətin olacaq.
Daha sonra isə “backlog” və ya tapşırıqlar siyahısı deyə biləcəyimiz anlayışlardan bəhs edildi. “Backlog” özlüyündə məhsulun yaradılması, saxlanması, biznes dəyəri, müştəri rəyi və inkişaf istiqamətləri kimi amillərə əsaslanaraq müxtəlif maddələrin prioritetləşdirilməsinə cavabdehdir. İnkişaf qrupu üçün əsas verilənlər bazası kimi xidmət edir, hansı işin,hansı qaydada yerinə yetirilməli olduğuna dair aydın istiqamət verir.Məhsul sahibi dəyişən prioritetlərə və rəylərə əsaslanaraq, məhsulun məqsəd və vəzifələrinin dəqiq əks olunmasını təmin edərək, davamlı olaraq məhsulu təkmilləşdirir və yeniləyir.
Səbinə Əliyeva isə bütün bu mövzular haqqında daha ətraflı məhsul necə həyata keçir və bazara necə çıxarılır mövzusunda detallardan bəhs etdi. Qeyd edək ki, Səbinə Əliyeva da PAŞA Bankda Product Owner vəzifəsində işləyir. Bu mövzuda Səbinə xanımın danışdıqlarına nəzər salsaq məhsul sahibi hədəf istifadəçilərin ehtiyac, istəklərini anlamalı və məhsulun bu ehtiyaclara cavab verməsini təmin etməlidir. O, istifadəçi araşdırması apara, mövcud müştərilərdən rəy toplaya və ya istifadəçi ehtiyaclarını anlamaq üçün digər maraqlı tərəflərlə işləməlidir. Məhsul sahibi məhsulun satılacağı bazarı da başa düşməlidir. Bazar araşdırmasının aparılması, rəqiblərin təhlili və fərqləndirmə imkanlarının müəyyən edilməsi daxil ola bilər.
Nəticədə, məhsul sahibi məhsulun dizaynında və bazara çıxarılmasında mühüm rol oynayır. Məhsulun öz istifadəçilərinin və maraqlı tərəflərin ehtiyaclarına cavab verməsini və bazarda uğurlu olmasını təmin etmək üçün onlar istifadəçi ehtiyaclarına, bazar tendensiyalarına və məhsul detallarına ciddi diqqət yetirməlidirlər.
Növbəti tədbirimizdə nələr olacaq?
Mövzunu burada sonlandırıb, daha çox və maraqlı söhbətlər üçün sizlərə səs yazısına qulaq asmağınızı tövsiyə edirik. Bu həftə isə üç böyük Azərbaycan bankının nümayəndələri ilə onların necə yeniliklər etdiyini, hansı texnologiyaları axtardıqlarını və bank müştərilərinin hansı yeni imkanları gözləməli olduğunu müzakirə edəcəyimiz panel sessiyası keçiriləcək. Müasir dünyada korporasiyalar və investorlar tərəfindən ən çox diqqət çəkən maliyyə və bank texnologiyalarıdır. Azərbaycanın ən böyük bankları innovativ tendensiyaları izləməyə çalışır, daxili və xarici proseslərə daim yeni həllər təqdim edirlər. Səttar Kazımov, Tayfun sevimli və Zaur Bağırovun nitqindən tədbiri qaçırmamaq üçün aşağıdakı linkdən qeydiyyatdan keçə bilərsiniz.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
