Texnologiyalar inkişaf etdikcə dünyada enerji və batareyalara olan tələbat durmadan artır. Hətta, bir qrup tədqiqatçının fikrinə görə, gələcəyin elektrikli avtomobilləri qayalardan hazırlanmış “super batareyalar” ilə işləyə bilər.
![super batareyalar](https://tedroid.com/media/2024/07/qayalardan-hazirlanmis-super-batareyalar-1024x584.webp)
Yeni texnologiya, hazırkı batareyalardan daha səmərəli olmaqla yanaşı eyni zamanda, daha elastik və daha təhlükəsiz olan qatı hal batareyaların geniş yayılmasına da imkan verəcək. Danimarkada yeni texnologiya kəşf edən alimlərin fikrinə görə batareyalar artıq daha asan əldə ediləcək. Qeyd edək ki, bu texnologiya kalsium silikat əsaslı materialdan istifadə edir. Hazırda elektrikli avtomobillləri, smartfonlarımızı və bir çox cihazlarımızı şarj etmək üçün litium-ion batareyalardan geniş istifadə olunur.
Lakin, alimlərin fikrinə görə batareyaların istehsalı üçün tələb olunan litium bahalı olmaqla yanaşı ətraf mühit üçün də zərərlidir. Bütün bu problemlərin həlli isə qatı hal batareyalarına keçid etməkdir. Danimarkalı alimlərin kəşf etdikləri yeni texnologiya ilə batareyalarda litiumun yerinə aliminium və natrium silikatlar istifadə olunur. Maraqlısı budur ki, bu material dünyada geniş yayıldığı üçün ucuz başa gəlir və ətraf mühit üçün təhlükəsizdir. Digər bir üstünlük, istifadə olunan silikatın havaya və nəmə həssas olmamasıdır. Həmçinin adi qayalardan hazırlanmış super batareyalar çox nazik quruluşa sahib ola bilər. Tədqiqatçılar iddia edirlər ki, bu batareyalar 10 dəqiqəlik şarj ilə 1000 km-dən çox məsafə qət edə bilən elektromobillər hazırlana bilər.