Müasir dövrdə avtomobil bazarını ələ keçirən elektromobillərin istehsalına başlayan Lexus şirkəti özünə məxsus yenilik etmək istəyir. Belə ki, Yapon avtomobil brendi olan Lexus dünyada ilk dəfə mexaniki transmissiya ilə işləyən elektromobil hazırlamağı planlayır. Hətta yapon avtomobil brendi mexaniki transmissiyanı Lexus UX300e konsept elektromobilinə tətbiq edib. Qeyd edək ki, Lexus ötən aylarda yeni ilk elektrikli modeli olan RZ 450e-i təqdim etmişdi. Həmçinin şirkət yeni modelin gələn ildən satışa çıxarılacağını da bildirmişdi.
Mexaniki transmissiya ilə işləyən ilk Lexus modeli
Lexus Electrified baş mühəndisi olan Takashi Vatanabe-nin sözlərinə görə Lexus artıq 3 ildir ki, bu ideya üzərində işləyir və nəhayət məqsədinə nail olub. Belə ki, qeyd etdiyimiz kimi yapon avtomobil brendi mexaniki transmissiyanı Lexus UX300e konsept elektromobilinə quraşdıraraq test sürüşü edib. Hətta bu test sürüşünün video görüntüsü də internetdə paylaşılıb. Videoda göründüyü kimi elektromobil hələ test variantında üçün onun interyeri natamam vəziyyətdədir. Lakin buna baxmayaraq test sürüşü kifayət qədər uğurlu alınıb. Belə ki, elektromobilə quraşdırılmış saxta mühərrik səsi ilə müxaniki transmissiya müvafiq olaraq işləyib. Yəni, sürücü hər dəfə sürət çarxını dəyişərkən saxta mühərrik səsi də ona uyğun olaraq dəyişib.
Əlavə olaraq qeyd edək ki, Lexus mexaniki transmissiyanı elə simulyasiya edib ki, sürücü muftanı sıxmasa elektromobil dayanır. Bu isə standart mexaniki avtomobillərdə olan transmissiya ilə eyni prinsipə malikdir. Hətta Takashi Vatanabe bildirib ki, daxili yanma mühərrikli modellər ilə mexaniki transmissiya ilə təchiz olunmuş elektromobillər arasındakı yeganə fərq benzin qoxusu olub. Mexaniki transmissiya ilə təchiz olunmuş elektromobillərin nə zaman satışa çıxarılacağı isə hələlik məlum deyil.
