Bu ilin aprel ayında təqdim olunmuş Toyota bZ4X elektromobilinin test sürüşü uğursuzluqla nəticələnib. Yapon avtomobil markasının bZ və ya Beyond Zero seriyasının ilk modeli olan bZ4X, vədd edilən məsafənin yalnız yarısını gedə bilib. Xatırladaq ki, bu modelin istehsal olunmasından sadəcə 2 ay sonra təkərlərinin hərəkət zamanı çıxa biləcəyi məlum olmuşdu. Məhz bu səbəbdən isə Yapon avtomobil brendi genişmiqyaslı geriçağırma kampaniyası keçirməyə məcbur olmuşdu. İndi isə bZ4X modeli test sürüşü zamanı brendin iddia etdiyi məsafənin yəni 461 kilometrin yalnız yarısını gedə bilib.
Skandinaviyalı jurnalistlər tərəfindən keçirilən test sürüşündə Toyota bZ4X elektrikli krossoverinin 2 versiyası iştirak edirb. Bu versiyalardan biri tək elektrikli mühərrik ilə təchiz olunub 504 km məsafə, digəri isə iki elektrikli mühərrik ilə təchiz olunub 461 km məsafə mənzilə sahib idi. Qeyd edək ki, hər iki modelin test sürüşü +4 dərəcə temperaturda, 110 km/saat sabit sürət ilə həyata keçirilib. Əlavə olaraq qeyd edək ki, sürüş zamanı hər iki modelin qızdırıcıları işlək vəziyyətdə olub.
Test sürüşünün nəticəsində birmühərrikli Toyota bZ4X modeli 504 km əvəzinə sadəcə 246 km, ikimühərrikli bZ4X modeli isə 461 km əvəzinə sadəcə 215 km məsafə gedə edə bilib. Müvafiq olaraq qeyd edək ki, 1-ci model gözləniləndən 49% az, 2-ci model isə 47% az nəticə göstərib. Bu hadisədə sonra isə jurnalistlər Toyota ofisinə müraciət ediblər. Şirkət isə məsələnin araşdırılacağını bildirsə də heç bir izahat verməyib.
