Yeni bir araşdırma smartfonları cəmi 1 dəqiqədə şarj etmək imkanına yol açır. Ümumiyyətlə, müasir dövrdə smartfonlrın çipsetləri performans cəhətindən gücləndikcə enerji sərfiyyatları artır. Bununla yanaşı, müasir smartfonlarda batareya çox tez tükənir və onları şarj etmək saatlar ala bilir. İndi isə smartfonları şarj etmək sadəcə 1 dəqiqə çəkə bilər.
Sizcə, Smartfonlarımızı cəmi 60 saniyəyə doldura bilsək nə olardı? Yəqin ki, hər kəs belə bir texnologiya mümkün olsa idi böyük həcmli batareyalara ehtiyac olmazdı deyə cavab verərdi. Yeni dərc edilmiş məqaləyə görə, kəşf edilmiş yeni texnologiya smartfonları cəmi 1 dəqiqədə şarj etmək imkanı təklif edir. Bu yeni texnologiya ionların superkondensatorlar üzərində hərəkətinə əsaslanır. Müsbət yüklü atom olan ionların istifadəsi və superkondensatorların yüksək cərəyan enerjisini saxlama qabiliyyəti son dərəcə sürətli şarjı mümkün edir.
Tədqiqatçılardan Ankur Gupta, araşdırmada istifadə edilən axın analizi üsullarından bəzilərinin neft və su filtrasiya sistemlərində istifadə edilən üsullar olduğunu ifadə edib. “Planetin gələcəyində enerjinin kritik rolunu nəzərə alaraq, kimya mühəndisliyi təcrübəmdən cihazlarda enerjinin saxlanması üçün istifadə etmək istədim” deyə tədqiqatçı bildirib. Ümumiyyətlə, yeni tədqiqat ionların hərəkətini əvvəllər araşdırılmayan perspektivdən qiymətləndirməyə imkan verib. Görünən odur ki, atomlar, Kirchhoff qanunu deyilən nəzəriyyəyə görə davranmırlar. Yeni üsulla elektrik enerjisinin doldurulması ən azı nəzəri cəhətdən çox daha sürətli həyata keçirilə bilər. Tədqiqatın laboratoriya təcrübələrinə yaxın vaxtlarda başlanacağı gözlənilir.
