NVIDIA şirkəti bu dəfə bulud provayderi Amazon Web Services (AWS) ilə birlikdə ilk növbədə süni intellektlə əlaqəli bir sıra yeni həllər təqdim etdi. Nəhəng şirkətlər neyron şəbəkələri öyrətmək və idarə etmək üçün güclü NVIDIA GH200 NVL32 sistemlərini elan etdilər. O cümlədən NVIDIA və Amazon bulud əsaslı Project Ceiba adlı yeni süni intellekt superkompüterini də təqdim edib. Ümumiyyətlə NVIDIA GH200 NVL3 standart server rəfi formatında dizayn edilmiş hazır sistemdir.
Yeni NVIDIA GH200 NVL3 özündə 72 nüvəli Arm Neoverse CPU və NVIDIA H100 GPU-dan ibarət olan NVIDIA GH200 Grace Hopper Superçipini və NVIDIA GH200 sürətləndiricisini birləşdirir. Bu sistem saniyədə kvadrilyon əməliyyat yəni 28 Pflops FP8-ə qədər mükəmməl performas təmin edəcək. NVIDIA və Amazon həmçinin Project Ceiba adlı dünyanın ən sürətli GPU əsaslı AI superkompüterini də elan ediblər. Bu sistem isə özündə 16 384 GH200 sürətləndiricisini, həmçinin 9,1 Pbayt yaddaşı birləşdirəcək. Hətta bu sistem 410 Tbayt/s ötürmə qabiliyyətini də təmin edəcək.
Ümumiyyətlə indiyəə qədər bir çox superkompüter təqdim edilmişdir. Bu kompüterlər əsasən serverlərdə yüksək həcmli məlumatların ötürülməsində mühüm rol oynayır. O cümlədən bulud oyun xidməti təklif edən NVIDIA üçün də belə bir superkompüterə sahib olmaq çox vacib addımdır. Onu da qeyd edək ki, Superkompüter AWS DGX Cloud-un bir hissəsi olacaq və gələn il AWS müştərilərinə təqdim olunacaq. Yəni NVIDIA və Amazon bu superkompüterdən ortaq istifadə edə biləcək.
