Avtomobil dünyasında dinamiklər tədricən dəyişir. Belə ki, bunu açıq şəkildə qəbul edənlərdən biri də məhz Volkswagen şirkətinin baş direktoru Thomas Schäfer-dir. Volkswagen şirkətinin baş direktoru Thomas Schäfer bildirib ki, “Biz artıq brend olaraq rəqabət apara bilmirik”. Habelə onun sözlərinə görə alman avtomobil brendi artıq indiki və gələcək işlərə istehsal çatışmazlığı və artan xərclərə görə əvvəlki kimi rəqabətədavamlı deyil. Bunun əsas səbəbi isə artıq avtomobil bazarında elektrikli avtomobillərin önəm daşımasıdr.
Volkswagen brendi elektrik avtomobil bazarında ABŞ-ın Tesla brendi və Çinin elektrikli avtomobil brendləri ilə rəqabət apara bilmir. Əvvəllər avropada Golf, Polo modelləri liderlik etsə də, indi Tesla brendinə məxsus modellər, xüsusilə Tesla Model Y liderliyi ələ alır. Habelə ucuz xammal və işçi çoxluğuna sahib olan çinli avtomobil nəhəngləri də artıq avropa bazarını tamamilə ələ keçirir. Qeyd edək ki, avropa birliyi hazırda çinli avtomobillərə qarşı müxtəlif sanksiyalar tətbiq edir. Görünən odur ki vergilərin çox olması yenə də çinin elektrikli avtomobillərinə maneə olmur.
Hazırda böyük müştəri itirən Volkswagen brendi xərclərinə qənaət etməyi düşünür. Hələlik bu məbləğ 10 milyard avrodur. Artıq avtomobil istehsalı da azaldılıb. Hətta alman avtomobil nəhəngi qənaət çərçivəsində işçilərini də qovmağa başlayıb. Hazırda Volkswagen brendi elektrikli avtomobil seriyasını təkmilləşdirmək və genişləndirmək üçün müxtəlif layihələr üzərində işləyir. Hətta alman avtomobil nəhəngi çin bazarında 20 min dollardan aşağı qiymətə elektrikli model satmağı planlayır. Modular Electric Drive Toolkit platforması hazırda şirkət daxilində “A Main Platform” adlanır. Alman avtomobil nəhəngi bu platformanı həyata keçirmək üçün 1.1 milyard dollarlıq sərmayə də edib. Bu platformanın 2026-cı ildə hazır olması planlaşdırılır.
