Kembric alimləri tərəfindən aparılan yeni araşdırmanın yekununda maraqlı nəticələr əldə olunub. Belə ki, Kembric Universitetində çalıışan bir qrup alim 8-13 yaş arası uşaqlar ilə maraqlı təcrübə keçiriblər. Nəticədə 8-13 yaş aralığı uşaqların robotlar ilə daha rahat münasibət qura bildiyi, lakin canlı insan ilə elə rahat ünsiyyət qura bilmədiyi məlum olub. Alimlərin fikrincə, süni intellektin davranışında və sözlərində qınağın olmaması uşaqlara daha rahat olur. Bu səbəbdən uşaqlar onlara öz sirlərini, fikirlərini rahatlıqla deyə bilirlər.
Kembric alimləri: uşaqların psixoloji durumunu robotlar daha yaxşı müəyyən edir
Kembric Universitetində robotlaşdırma mühəndisləri və psixiatrlardan ibarət alimlər qrupu təcrübəyə ümumilikdə 28 uşaq cəlb etmişdir. Yaş aralığı isə 8-13 arası olub. Daha sonra Nao adlı robot-humanoid (insana bənzər) tərəfindən uşaqlar ilə standart psixoloji sorğular keçirilib. Bu addım uşaqların psixoloji durumunu dəqiqləşdirmək üçün aparılıb. Nəticədə məlum olub ki, fərqli səviyyəli psixoloji narahatlığı olan uşaqlar süni intellekt ilə müxtəlif özünməxsus əlaqələr qururlar.
Beləliklə, hər hansı psixoloji pozğunluğu olmayan uşaq, robot ilə daha açıq açıq münasibətdə idi və öz psixoloji vəziyyəti haqqında daha çox müsbət rəylər bildirirdi. Həmçinin real uşaq psixoterapevti ilə müqayisədə nəticələr daha müsbət idi. Eyni zamanda, müəyyən psixoloji problemləri olan uşaqlara, süni intellekt ilə çalışan robot əsl hisslərini və yaşadıqlarını açıq danışmağa şərait yaratmışdır. Uşaqların bu rəyləri, “Gesell” güzgüsünün arxasında dayana valideynlər üçün əsl sürpriz olmuşdur.
Dünyada ilk belə təcrübədir ki, sırf uşaqların psixoloji durumunu müəyyən edilməsi üçün, sünu intellekt ilə çalışan robot istifadə olunur. Təcrübənin tam və ətraflı nəticələri 31-ci IEEE Beynəlxalq Robot-İnsan İnteraktiv Ünsiyyət Konfransında (RO-MAN) təqdim olunacaq. Konfrans İtaliyanın Neapol şəhərində keçiriləcək.
Göründüyü kimi artıq yaxın zamanlarda biz nəinki özümüzün, həm də övladlarımızın süni intellekt ilə çalışan robot və yaxud hər hansı proqram təminatı ilə psixoloji durumunu müəyyən edə biləcəyik.
