LyGenesis şirkəti insan orqanizmi daxilində qaraciyər yetişdirməyə hazır olduqlarını açıqlayıb. Belə ki, qaraciyər çatışmamazlığı xəstəliyinin son mərhələsində olan 12 nəfər könüllüdən ibarət qrup yığılıb. Onlara qaraciyərin donor hüceyrələri vurulacaq. Bu hüceyrələr isə bədən daxilində qaraciyərin miniatür analoqlarını yaradaraq həm xəstənin, həm qaraciyərin sağ qalmasına kömək olacaq.
LyGenesis alimləri qaraciyəri bir neçə mini-qaraciyər ilə əvəz edəcəklər
Qaraciyər orqan olaraq fenomenal bərpa olma özəlliyinə malikdir, lakin ağır xəstəliklərdə bərpa olunmağa çatdırmır. Nəticədə orqanın özü əməliyyat ilə əvəz olunmalı olur, bu isə çox riskli əməliyyatdır. Bunun əvəzinə alimlər hüceyrə terapiyasında əldə edilən nailiyyətlərdən istifadə etmək qərarına gəliblər. LyGenesis alimləri donor hüceyrələrini böyüyən limfa düyünlərinə yeritmək qərarına gəliblər. Burada hüceyrələr orta ölçülərə çatacaqlar. Təəssüf ki, tam ölçülü qaraciyəri bu şəkildə yetişdirmək mümkün olmayacaq. Lakin bu mini qaraciyərlər filtr kimi yüklənmənin bir hissəsini öz üzərinə götürə biləcək.
İnsanlar üzərində sınaqlara başlanılır
LyGenesis tərəfindən təcrübələr bu vaxta qədər gəmiricilər, donuzlar və itlər üzərində aparılmışdı. Bu təcrübələrin hamısı uğurla tamamlanmışdır və tənzimləyici texnologiyanın insanlar üzərində sınaqdan keçirilməsinə icazə verib. İştirakçılar fərqli həcmdə dozalar alacaqlar. 50 milyon hüceyrədən 250 milyona qədər. Hesablamalara görə, 50 milyon hüceyrə bir ədəd mini qaraciyər yetişdirməyə kifayət edir. Yəni hüceyrlərin sayına görə qaraciyərin bir neçə miniatür kopyası yaranacaq.
Bəzən böyrək transplantasiyası uğurla nəticələnmir. Bədən, nəql edilmiş orqanı qəbul etmir. Lakin LyGenesis alimləri bir qaraciyərdən 75 nəfərə çatacaq qədər mini qaraciyər yaradılması üçün ehtiyat hüceyrə əldə edə bilərlər. Yəni yeni üsul həddindən artıq effektiv imkanlara malikdir. LyGenesis alimləri bildirir ki, transplantasiya üçün yararsız orqanlar da hüceyrələrin hazırlanmasında istifadə oluna bilər. Həkimlər 2 ildən qısa bir müddət ərzində insan üzərində sınaqları da tamamlayıb, eyni texnologiyanı böyrək və mədəaltı vəzi ilə bağlı problemləri aradan qaldırmağa uyğunlaşdıracaqlar.
