Chrome Android istifadəçiləri üçün brauzerdən çıxdıqda kilid kodundan və ya biometrik məlumatla gizli seanslarını kilidləməyə imkan verən yeniləmə təqdim edir. Bu funksiya bir müddətdir iOS istifadəçiləri üçün əlçatan olub, lakin indi Android Chrome istifadəciləri üçün də əlçatandır.
İstifadəçilər bu funksiyanı Chrome Parametrləri > Məxfilik və Təhlükəsizlik bölməsinə keçərək Chrome brauzerini bağladığınız zaman inkoqnito rejimini kilidləyin keçidini aktivləşdirməklə əldə edə bilər. Beləliklə, növbəti dəfə istifadəçi Chrome brauzerindən çıxanda onun inkoqnito rejimi avtomatik olaraq kilidlənəcək. Gizli nişanların kilidini açmaq üçün telefonda biometrik kiliddən və ya kilid kodundan istifadə edə bilərsiniz. Tövsiyələrinizdə və ya tarixçənizdə görünməsini istəmirsinizsə bu funksiya tam sizin üçündür.
Google funksiyanı yenicə yaymağa başladığı üçün, hətta ən son versiyadan istifadə etsəniz belə, yeniləmə sizin üçün əlçatan olmaya bilər. Bu halda, siz Chrome üçün (chrome://flags/#incognito-reauthentication-for-android) keçidini daxil edə və funksiyanı dərhal açmaq üçün uzantını aktivləşdirə bilərsiniz.
Daha geniş yeniləmənin bir hissəsi olaraq, Google istifadəçilərə xüsusi saytlarla paylaşdıqları icazələr haqqında daha fərdi tövsiyələr göndərmək üçün Təhlükəsizlik Yoxlanışı funksiyasını da yeniləyib. Məsələn, sayt həddən artıq çox bildiriş göndərirsə, Təhlükəsizlik Yoxlanışı sizə bildiriş girişi üçün parametrləri dəyişməyi təklif edəcək.
Yeni versiya artıq şirkətin Material You dizayn yanaşmasının bir hissəsi kimi seçilmiş divar kağızının rəngini ala bilər. Məsələn, seçilmiş brauzerdaxili divar kağızında üstünlük təşkil edən rəng sarıdırsa, brauzer ümumiyyətlə sarıya keçir. Bunun yeniləməni əldə edə bilməyənlər üçün Chrome brauzerinə bu kecidi (chrome://flags/#customize-chrome-color-extraction) daxil edə və funksiyanı dərhal açmaq üçün uzantını dərhal aktivləşdirə bilərsiniz.
