Bildiyimiz kimi, çinin texnologiya nəhənglərindən olan Xiaomi yeni flaqman smartfon modeli Xiaomi 14-ü ötən günlərdə Çin bazarı üçün təqdim etmişdi. İndi isə ortaya çıxıb ki, yeni Xiaomi 14 seriyalı smarton satışları Çində Xiaomi brendinin rekordunu qırıb. Qeyd edək ki, yeni flaqman seriyanın qlobal bazara çıxışı təxirə salına bilər. Bunun əsas səbəbi isə satışların çox olması və istehsalın çatmamasıdır. Xiaomi hələ Çindəki müştəriləriniə smartfon çatdıra bilmir.
Ümumiyyətlə Xiaomi yeni flaqman smartfon seriyası Xiaomi 14 ilə 2023-cü ildə öz izini qoya bilib. Xiaomi 14 satışları təkcə 10 gündə 1.44 milyonu ötüb. Xiaomi bildirir ki, hazırda tələb təklifdən qat-qat çoxdur. Məhz bu səbəbdən də hazırda tədarük problemləri yaşanır. Hələlik bu problemin necə həll ediləcəyi məlum deyil. Lakin şirkət yerli bazardakı problemi həll etmədən qlobal bazarda yeni modelini təqdim etməyi düşünə bilməz. Xiaomi 14 seriyası bizim qarşımıza Snapdragon 8 Gen 3 çipsetləri və HyperOS əməliyyat sistemi ilə çıxıb. Keçən il olduğu kimi, əsas Xiaomi 14 modeli Pro variantından daha kiçik ölçülərə malikdir. Bu səbəbdən, onun çəkisi 188 və ya 193 qram (seçilmiş versiyadan asılı olaraq) və eni 71,5 millimetrdir.
Xiaomi 14 modeli TCL tərəfindən istehsal olunan OLED panelə malikdir. Ekran 6,36 düymdür, sələfi ilə eynidir. 2670 x 1200 piksel təsvir ölçüsünə malikdir və Xiaomi pik parlaqlığının 3000 nit qədər yüksək olması ilə öyünür ki, bu da ötən gün ilk BOE-də olduğu fikirlərini alt-üst edir. Bundan əlavə, giriş səviyyəli model bu il LTPO texnologiyasını da aldı, yəni smartfonun ekranı 1 ilə 120 Hz arasında dinamik olaraq yenilənə bilər. Kameralara gəldikdə, Xiaomi, Leica ilə əməkdaşlığının yeni meyvəsi olan Leica Summilux obyektivlərini Xiaomi 14 və 14 Pro üçün təqdim etmişdi. Smartfon barədə daha çox məlumat əldə etmək üçün saytımızdakı digər xəbərə keçid edə bilərsiniz.
