SpaceX-in gələn il Starlink peyk xidmətində mətn, səsli mesajların və faylların peyklər vasitəsilə adi smartfonlardan göndərilməsinə imkan verən Direct to Cell mobil xidmətini işə salmağı planlaşdırması Federal Rabitə Komissiyasında (FCC) suallar doğurub. Tənzimləyici SpaceX-dən yeni xidmətin digər peyk və yerüstü xidmətlərin, o cümlədən operatorların fəaliyyətinə mane olmayacağına dair ətraflı əsaslandırma təqdim etməyi tələb edib. Yəni SpaceX peyk rabitəsi xidməti digər operatorlara heç cür mane olmamalıdır.
Belə ki, keçən həftə FCC SpaceX-ə 1910-1995 MHz radio diapazonlarında Starlink mobil xidmətini idarə etmək üçün şirkətin müraciətini nəzərdən keçirərkən yaranan əlavə sualların siyahısını göndərib. Digər operatorlara və xidmətlərə Direct to Cell ilə bağlı mümkün müdaxilənin təhlili ilə onlara cavablar noyabrın 17-dək təqdim edilməli olacaq. Bu təhlil bütün peyklərin eyni vaxtda ötürmə apardığı ən pis vəziyyət ssenarisini, o cümlədən yağış və bulud örtüyündə siqnalın zəifləməsini və müəyyən bir əhatə dairəsində aydın səma şəraitini nəzərə almaq üçün tələb olunan müxtəlif güc səviyyələrinin istifadəsino əhatə edəcək. Bildirilib ki, bu xidmət həmçinin digər səlahiyyətli peyk və yerüstü operatorlara xidmətin dayandırılması ehtimalını nəzərə almalıdır.
FCC həmçinin SpaceX-dən ABŞ üçün maksimum və tipik peyk mobil enerji səviyyələrini əks etdirən “proqnozlaşdırılan şüa əhatə dairəsi xəritəsi” təqdim etməyi istəyir. Bu, müəyyən coğrafi bölgələrdə müdaxilə baş verərsə, şirkətin Starlink mobil sistemini necə bağlaya biləcəyinə cavab verməsi ilə bağlı təhlükəsizlik tədbiridir. Bundan əvvəl Amerikanın digər peyk operatorları tənzimləyiciyə yeni SpaceX xidmətinin onların işi üçün yarada biləcəyi müdaxilədən narahat olduqlarını bildiriblər. ABŞ provayderi Omnispace avqust ayında FCC-yə 1980-2010 MHz tezlik diapazonunda işləyən öz S-band peykləri üçün müdaxilənin qaçılmaz olduğunu söylədi.
SpaceX-in Amerikada belə uyğun xidməti bu qədər sərt qarşılanırsa, qlobal bazarda yeniliyin necə inkişaf edəcəyi sual altındadır. Çünk, SpaceX bu xidməti irəliləyən illərdə elektromobillərinə də real zamanlı internet vermək üçün işlətdikdə operatorlara mane olacaq müəyyən təsirlər yaratma ehtimalı fərqli ölkələrdə də müşayiət olunacaq.
