Daha əvvəl Samsung-un ay şəkillərinin həqiqiliyi ilə bağlı bir çox mübahisələr olub. İndi isə Samsung şirkətinin məhsul meneceri çəkilən hər şəkil saxtadır deyərək mübahisələri yenidən qızışdırıb. Ümumiyyətlə bu gün smartfonlarla çəkilən şəkillər yəni fotolar, süni intellekt və digər alqoritmlərlə işlənərək istifadəçiyə təqdim olunur. Təbii ki, bu vəziyyət müəyyən iddiaların və mübahisələrin meydana gəlməsinə səbəb olur.
Ötən müddətdə sosial mediada əsas mübahisə mövzularından biri məhz Huawei və Samsung smartfonlarından çəkilən ay fotoşəkillərinin real olub-olmaması idi. Samsung şirkətinin məhsul meneceri Patrick Chomet-in yeni müsahibəsi isə vəziyyəti qəlizləşdirib. TechRadar-a danışan Patrick Chomet bildirib ki, “Keçən il Marques Brownlee’nin ay fotoşəkili ilə bağlı gözəl bir videosu var idi. Hərkəs “bu saxtadır? Saxta deyilmi? deyə mübahisə etməyə başlamışdı. Hətta real bir şəkilin nələrdən ibarət olduğu barəsində də yeni mübahisələr meydana gəlmişdi. Əslində real fotoşəkil deyə bir anlayış mövcud deyil. Bir şeyi optik sensor ilə çəkdiyiniz anda, gördüğünüz mənzərəni və ya obyekti yenidən “istehsal” edirsiniz və bu artıq heçbir məna ifadə etmir”.
Patrick-in sözlərinə görə siz o fotoşəkili mən çəkdim deyərək şəkili real kimi təqdim etməyi sınaya bilərsiniz sadəcə. Ancaq siz obyektin şəklinin çəkmək üçün böyütmə və avtofokus, o cümlədən səhnəni optimallaşdırmaq üçün süni intellekt istifadə etmisinizsə bu real ola bilər? Bu gün bütün smartfonlar səs-küyü azaltmaq, parlaqlığı artırmaq və daha geniş dinamik diapazonu çəkmək üçün çox çərçivəli çəkiliş üsullarından istifadə edir. Smartfonlar, həmçinin həmin səhnələrə uyğun olaraq rəngləri, kontrastı, dəri tonlarını, teksturaları və ağ balansını tənzimləmək üçün qabaqcıl alqoritmlərdən və süni intellektdən istifadə edərək səhnələri avtomatik tanıyır. Bütün şirkətlər həmçinin səmanı mavi və ya otları yaşıllaşdırmaq kimi fotoşəkillərin müəyyən hissələrini daha cəlbedici edir.
