Etibarlı korpus istehsalçısı və 3D Rəssam Render Man İan Zelbo tərəfindən 9to5Mac-a təqdim edilmiş CAD renderləri əsasında iPhone 15 Pro modelinin eksklüziv renderləri məlum olub. Bu renderlərin əsaslandığı CAD faylları Apple tərəfindən Asiyadakı fabriklərə telefon örtüklərini hazırlamaq üçün verilir. Buradakı xüsusi CAD renderlərinin Çindən bu faylları ilk əldə edən zavoddan sızdırıldığı iddia olunur. CAD faylları həm ölçülər, həm də dizayn baxımından son cihaz üçün mühim bir fikir formalaşdırır. Doğruluğu biraz şübhəli olsa da bu hal fabriklərə baha başa gələcək.
Ən nəzərə çarpan dəyişiklik, 2012-ci ildən bəri iPhone modllərində və əksər Apple aksesuarlarında istifadə edilən Apple şirkətinin xüsusi Lightning portundan USB-C portuna keçididir. Digər bir dəyişiklik, həm şüşədə, həm də metal çərçivədə kənarların əyriliyidir. Arxa tərəfdəki kamera çıxıntısı da əvvəlkindən daha qalındır, bu da Apple şirkətinin kamera sistemini yeni sensorlar və ya linzalarla təkmilləşdirmiş ola biləcəyini göstərir.
Kamera quruluşu üç linza və kvadrat modulda yerləşdirilmiş LiDAR skaneri ilə Phone 14 Pro modellinə bənzəyir. iPhone 15 Pro modellərində fiziki düymə olmayacaq adlı xəbəri sizlərlə paylaşmışdıq. Renderləri nəzərə alsaq bu xəbər doğru ola bilər. Çünki, düymələr daha kiçik və yuvarlaq forma ilə yenidən dizayn edilmiş görünür. Dynamic Island hələ də mövcuddur və iPhone 14 Pro ilə təxminən eyni ölçüdədir. Nəzərə alın ki, bu renderlər ilkin CAD modelinə əsaslanır və Apple şirkətinin son dizaynını əks etdirməyə bilər.
