Dünyanın ən böyük kamera şirkətlərindən biri olan Canon, Leica və Hasselblad brendlərindən sonra smartfon bazarına daxil olmaq istəyir. Qeyd edək ki, daha əvvəl şirkət smartfon bazarına daxil olmaq istəməmişdi. Məhz bu səbəbdən də milyonlarla gəlir əldə etmək şansını qaçırmışdı. Lakin brendin əzəli rəqibi olan Leica Xiaomi ilə əməkdaşlıq edərək smartfon bazarına daxil olmuşdu. Xiaomi ilə bir çox uğurlu layihələrə imza atan Leica brendindən sonra isə Canon qərarını dəyişib. Belə ki, nəhəng kamera şirkəti artıq bir çox brend ilə danışıqlara başlayıb. Hətta texnologiya nəhənginin çinli smartfon şirkəti ilə razılığa gələcəyi idda olunur.
Ümumiyyətlə Canon şirkəti ilə birgə Nikon şirkəti də daha əvvəl smartfon bazarına daxil olmamaq qərarı almışdı. Lakin smartfon bazarındakı potensialı görən texnologiya nəhəngləri qərarlarını dəyişmək istəyirlər. İndiyə qədər Leica, Hasselblad və Zeiss kimi kamera brendləri Xiaomi, Vivo, Oppo və OnePlus kimi nəhənglər ilə əməkdaşlıq edib. Maraqlısı budur ki, bu texnologiya nəhəngləri flaqman smartfon layihələrində əməkdaşlıq edir. Belə ki, smartfon bazarının nəhəngləri təcrübəli kamera şirkətləri ilə məhz möhtəşəm keyfiyyətdə kameralar yaratmaq üçün əməkdaşlıq edir. Buna misal olaraq Leica brendinin qeyd edək bilərik. Hansı ki, artıq Leica imzalı smartfon kamerası deyildikdə keyfiyyətli kamera sensorları ağla gəlir.
Hələlik Canon şirkətinin hansı smartfon nəhəngi ilə əməkdaşlıq edəcəyi məlum deyil. Lakin kamera sahəsindəki təcrübəsinə və brend adına görə şirkət tezliklər texnologiya nəhənglərinin biri ilə razılıq əldə edəcək. Hətta Canon şirkətinin bu addımı bərabərində Nikon şirkətinin də fikrini dəyişə bilər. Canon şirkəti kamera sahəsində təcrübəli olsa da, smartfon kameraları ilə bağlı hələlik təcrübəsi yoxdur. Məhz bu səbəbdən də şirkətin imzası olan smartfon kamerasının hansı keyfiyyətdə olacağı maraq doğurur.
