Instagram, WhatsApp və Facebook tətbiqlərini özündə birləşdirən Meta şirkətinin yeni tətbiqinin interfeysi məlum olub. Qeyd edək ki, texnologiya nəhənginin yeni tətbiqi Twitter tətbiqinə rəqib olacaq. Son günlərdə daim yeniliklər edən və abunə sisteminə keçən Twitter öz populyarlığını itirə bilər. Meta şirkəti artıq bir neçə müddətdir ki, yeni sosial platforma üzərində çalışırdı. Nəhayər yeni tətbiqin ilk interfeys şəkilləri ortaya çıxıb. İnstagram ilə əlaqəli olan yeni tətbiq, ilk baxışda instagram tətbiqini xatırladır. Lakin bəzi dəyişiklikləri də görmək mümkündür. Ümumi olaraq isə tətbiq çox sadədir. Həmçinin əsasən yazılardan ibarət paylaşımlar üçün nəzərdə tutulsa da, şəkil paylaşmağı dəstəkləyir.
Meta şirkətinin yeni tətbiqinin interfeysi instagram tətbiqində gördüyümüz bəzi nişanlara da sahibdir. Qeyd edək ki, məşhur insayder Matt Navarra yeni tətbiqin gələn yay rəsmi olaraq istifadəyə veriləcəyini bildirir. Bundan əlavə Alessandro Paluzzi tətbiq kodlarını araşdırarkən yeni tətbiqə Barselona kod adı verildiyini ortaya çıxarıb. Paluzzi bildirir ki, tətbiqin məzmunu 500 simvoldan ibarət olacaq və paylaşım axınında maksimum 100 fərqli paylaşım görünəcək.
Matt Navarra bildirir ki, Meta şirkətinin yeni tətbiqi İnstagram tətbiqinə inteqrasiya edilə bilər. Məhz yeni Meta tətbiqinin interfeysi də sanki instagram tətbiqinin başqa versiyasıdır. Meta Faceebook və Messenger tətbiqləri kimi instagram ilə yeni tətbiqi uyğunlaşdıra bilər. Bununla isə instagram istifadəçilərini yeni tətbiqə yönləndirmək daha asan olacaq. Bu iddia reallığa çox uyğun gəlir çünki, Meta twitter tətbiqinə asanlıqla rəqib hazırlasa da, ora aktiv istifadəçiləri cəlb etməkdə biraz problem yaşaya bilər. Lakin bu üsul ilə yeni tətbiqin populyarlaşması çox asan olacaq. Hələlik qeyd etdiklərimiz iddialardan ibarət olsa da, gələcəkdə daha çox məlumat ortaya çıxa bilər.
