Apple şirkəti WWDC 2023 tədbiri timsalında bu günə qədər çıxmış ən güclü prosessoru M2 Ultra prosessorunu təqdim etmişdi. Belə ki, M2 Ultra texniki cəhətdən M2, M2 Pro və M2 Max modellərində istifadə edilmiş ikinci nəsil Apple Silicon və ya 5nm istehsal prosesinə malik UltraFision arxitekturasına əsaslanır. Apple qeyd etmişdi ki, hazırlanmış bu prosessor fərdi kompüterdə tapa biləcəyinizin ən güclüsüdür. Lakin aparılan sınaqlar zamanı məlum olub ki, yeni Apple M2 Ultra prosessoru AMD və Intel brendlərinin flaqman prosessorlarını ötə bilməyib.
Qeyd edək ki, Geekbench 5 sınaqlarında yeni Apple M2 Ultra prosessoru Intel brendinin yeni Intel Core i9-13900K prosessorundan geri qalıb.
Apple M2 Ultra performans göstəriciləri Geekbench 6 üzərindən yayımlanıb. CPU tərəfdən başlasaq 3 GHz-dən 3.7 GHz-ə qədər dəyişən tezliyə malikdir. Performans və Səmərəlilik nüvələrinin sayı bilinmir, çünki müqayisə arxitekturasına və ya vəziyyətinə görə prosessordakı nüvələri dəqiq tanımır.
CPU tək nüvəli testlərdə 2809, çoxnüvəli testlərdə isə 21 531 xala qədər yüksələ bilir. Müqayisə üçün qeyd edək ki, Intel Core i9-13900KS burada 3083, AMD-nin Ryzen 9 7950X isə 2875 bal toplayır. Çox nüvəli testlərdə eyni prosessorlar müvafiq olaraq 21 665 və 19 342 bal toplayır. Gördüyünüz kimi, Apple M2 Ultra texniki cəhətdən Intel və AMD-nin əsas CPU təkliflərindən daha sürətli deyil. Lakin sahib olduğu Apple ekosisteminin optimizasiyaları prosessoru önə çıxarır.
Qrafik performans cəhətdən isə, OpenCL API-də Apple M2 Ultra, qrafik kartı olan NVIDIA GeForce RTX 4060 Ti səviyyələrinə yaxınlaşa bilər və bu M2 Ultra-nın 76 GPU əsaslı konfiqurasiyası üçün keçərlidir.
Ümumiyyətlə prosessorlar əsasən tezliklərinə, nüvə saylarına, performansına görə və yaddaş dəstəyinə görə fərqləndirilir. Məhz bu səbəbdən də 56 nüvəli Intel Xeon W9-3495X və 64 nüvəli AMD Ryzen Threadripper Pro W5995X bu xüsusiyyətlərə artıqlaması ilə sahibdir. Lakin yeni təqdim edilən M2 Ultra əslində 2 ədəd M2 Max prosessorunun birləşdirilmiş variantı kimi görülür. Tranzistor sayını iki qat artıran prosessor 24 CPU nüvəsi, 76 GPU nüvəsi, 32 nüvəli neyron mühərriki və 192 GB-a qədər operativ yaddaş dəstəyinə malikdir. Bundan əlavə, prosessordakı neyron mühərriki 40% daha yüksək performans göstərir. Digər bir tərəfdən 800GB/s-ə çatan yaddaş ötürmə qabiliyyəti ilə məhdudiyyətləri aşaraq, M2 Ultra saniyədə 31.6 trilyon emal gücü vəd edir. Lakin bütün bu göstəricilərə baxmayaraq yeni prosessor sabit miqdarda RAM dəstəkləyir, disk sahəsi üçün çox yer yoxdur və yüksək tezlik təklif etmir.
Bütün bu xüsusiyyətlər Apple brendinin yeni prosessorunu rəqiblərindən geri salır. Yekun olaraq M2 Ultra Intel Core i9-13900K prosessorundan tezliyinə, AMD Ryzen Threadripper Pro W5995WX prosessorundan isə nüvə sayına görə geridə qalır. Bütün bu nəticələrə baxmayaraq hələdə deyə bilərik ki, M2 Ultra dünyanın ən güclü prosessorlarından biridir.
