Apple şirkəti WWDC 2023 tədbiri timsalında bu günə qədər çıxmış ən güclü prosessoru M2 Ultra və Mac Pro modelini təqdim etdi. Yeni nəsil Mac Studio və Mac Pro modellərində qarşımıza çıxacaq prosessor, adətən 2 ədəd M2 Max prosessorunun birləşməsi ilə formalaşır. Apple M2 Ultra prosessoru texniki cəhətdən M2, M2 Pro və M2 Max modellərində istifadə edilmiş ikinci nəsil Apple Silicon və ya 5nm istehsal prosesinə malik UltraFision arxitekturasına əsaslanır. Apple qeyd edir ki, hazırlanmış bu prosessor fərdi kompüterdə tapa biləcəyinizin ən güclüsüdür.
Verilən məlumata görə Apple M2 Ultra standart M2 prosessoru ilə müqayisədə 134 milyard tranzistora sahibdir. Xatırladaq ki, M2 Max modelində tam olaraq 67 milyard tranzistor var. Buna görə də, M2 Ultra prosessoru, əslində 2 ədəd M2 Max prosessorunun birləşdirilmiş variantı kimi görülür. Tranzistor sayını iki qat artıran prosessor 24 CPU nüvəsi, 76 GPU nüvəsi, 32 nüvəli neyron mühərriki və 192 GB-a qədər operativ yaddaş dəstəyinə malikdir.
Bundan əlavə, prosessordakı neyron mühərriki 40% daha yüksək performans göstərir. Digər bir tərəfdən 800GB/s-ə çatan yaddaş ötürmə qabiliyyəti ilə məhdudiyyətləri aşaraq, M2 Ultra saniyədə 31.6 trilyon emal gücü vəd edir. Apple-a görə, M2 Ultra ən güclü Intel əsaslı iMac-dən 4 dəfə sürətli, After Effects-də 50%-ə qədər daha sürətli emal gücünə malikdir. Həmçinin 22 8K ProRes video axını üçün dəstək təklif edəcək.
Mac Pro
Apple-ın məhsul seriyasındakı ən güclü həlli kimi tanınan Mac Pro iş stansiyasının Apple M prosessoru ilə yenilənəcəyi zaman səbirsizliklə gözlənilirdi. Uzun bir müddət sonra Apple, nəhayət gözləniləni etdi. Mac Pro 2023 şirkətin təqdime etdiyi ən son M2 Ultra prosessoru ilə gəlir. M2 Ultra standart olaraq bütün ikinci nəsil Mac Pro konfiqurasiyalarında standart prosessor kimi quraşdırılacaq.
Intel əsaslı Mac Pro modeli ilə müqayisədə 3 dəfəyə qədər daha sürətli prosessor və 7 dəfəyə qədər daha sürətli qrafik blok əldə etmək mümkündür. Cihaza inteqrasiya olunmuş 7 afterburner kartı var. Afterburner imkanı ProRes və ProRes RAW çəkilişindən istifadə edərkən kartın video faylların dekodlanmasını və göstərilməsi zamanı emalı sürətləndirir. Cihaz 8K Pro Res-də 22 ədəd axına çıxış təmin edə bilər. Mac Studio-dan fərqli olaraq, böyük gövdəsi sayəsində PCI əsaslı inkişaf infrastrukturunu dəstəkləyən kompüter, artırılıa bilən SSD modulları ilə daha da güclü hala gətirilə bilər və eyni zamanda çox yüksək soyutma performansı təqdim edir.
6 ədəd PCIe Gen 4 yuvasına, 8 ədəd Thunderbolt 4 bağlantısına malikdir. 6 dədə Pro Display XDR ekrana görüntü verə bilər. 2 ədəd HDMI və iki 2 ədəd 10Gb Ethernet bağlantısı ilə yanaşı, Wi-Fi 6E və Bluetooth 5.3 texnologiyalarına sahibdir. Apple Mac Pro ikinci nəsli üçün 6999 dollardan başlayan qiymət etiketi təyin olunub.
