SpaceX şirkəti dünya əhalisinin 99,9%-dən daha yüksək IQ səviyyəsinə malik 14 yaşlı bir oğlanı işə götürdüyünü açıqlayıb. Belə ki, cəmi 14 yaşı olan Kairan Quazi bu il Santa Clara Universitetində bakalavr təhsilini başa vurduqdan sonra universitetin 172 illik tarixində ən gənc məzun olub. Böyük şirkətlərin də diqqətindən yayınmayan uşaq, Elon Musk tərəfindən birbaşa SpaceX komandasına gətirilib. Kompüter mühəndisliyi məzunu olmuş Kairan Quazi SpaceX kosmik şirkətində Starlink peyk internet xidmətinin inkişafında proqram mühəndisi kimi fəaliyyət göstərəcək.
Ən maraqlısı da odur ki, SpaceX-də işə düzəlmək kifayət qədər çətindir. Verilən məlumata görə Zippia tərəfindən yaradılmış hesabatda, SpaceX şirkətinə işə müraciət edənlərdən sadəcə 0,2%-i işə uyğun hesab edilir. Yəni müraciətçilərin 99,8%-lik hissəsi heç vaxt qəbul olunmur. Bu isə SpaceX şirkətində işləməyin nə dərəcədə üst limitləri tələb etdiyini ortaya qoyur. O, hətta bu məqsədlə Pleasantondan Vaşinqton ştatına köçməli olacaq.
Mütəxəssislərə görə dünya əhalisinin 99,9%-dən yüksək IQ ilə bu dahi uşaq dünyanda ən ağıllı 11 milyon insan sırasındadır. Hətta maraqlı bir detal kimi 10 yaşında olduqda Kairan Quazi süni intellekt tədqiqatçısı kimi Intel Labs-da təcrübə keçib. Ona görə də böyük şirkətlərdə iş təcrübəsi var. Onu da xatırladaq ki, Vaşinqton ştatında işləmək üçün minimum qanuni yaş həddi 14 olduğundan heç bir problem yaranmır.
