Azərabycanın ilk Beynəlxalq etik xakeri olan İlkin Cavadov haqqında məşhur Top Cyber News jurnalının iyun ayı üçün olan buraxılışında məqalə dərc edilib. Qeyd edək ki, İlkin Cavadov Millikart şirkətində Baş Kibertəhlükəsizlik mühəndisi olaraq çalışır. Həmçinin o Azərbaycan Texniki Universitetinin Sabah kurslarının Kibertəhlükəsizlik üzrə ixtisaslaşmış müəllimidir. İlkin Cavadov artıq 8 ildən artıq kibertəhlükəsizlik təcrübəsinə sahibdir. Belə ki, o kariyerası boyunca bir çox tədbirlərdə ölkəmizi təmsil edib. Bunlarda biri də məhz 19 iyul tarixində Birləşmiş Ərəb Əmirliklərində keçiriləcək EMEA-nın ən böyük kibertəhlükəsizlik tədbirlərindən olan “Gisec Global 2023” tədbiridir.
Ümumiyyətlə Alman Silahlı Qüvvələrindən VDPw Medalı və təşəkkür məktubu almış 18 etik xakerdən biri və Şərəf lövhəsinə adı yazılan ilk azərbaycanlı məhz İlkin Cavadovdur. Qeyd edək ki, onun “Etik hakerlər səhvləri və ya zəiflikləri necə tapırlar” mövzusundakı məqaləsi jurnalda dərc edilib. İlkin Cavadov Top Cyber News jurnalına verdiyi açıqlamada bildirib ki, etik xakerlər zəiflikləri və ya səhvləri bir neçə üsul ilə aşkar edir. Bunlardan ən vacibi isə Hücum üsuludur. Burada onlar zəiflikləri aşlar etmək və şirkətə məlumat vermək üçün etik hücumlar təşkil edirlər. Bununla da şirkətlərin bütün zəiflikləri aradan qaldırılır.
Ümumiyyətlə etik xakerlər əsasən şirkətlərin təhlükəsizliyini təmin etmək üçün qanunsuz xakerlərin etdikləri bütün hücumları simulyasiya edirlər. Bununla da şirkətlərdə yarana bilən istənilən zəifliklər və təhlükəsizlik problemləri əvvəlcədən müəyyənləşdirilir. Qeyd edək ki, İlkin Cavadov 19 iyul tarixində bu barədə nəhz Gisec Global 2023 tədbirində ətraflı məlumat da verəcək. Beləliklə o, Amerikanın ən böyük kibertəhlükəsizlik konfransında ölkəmizi bir daha təmsil edəcək.
