Çinin texnologiya nəhəngi hesab edilən Xiaomi yeni 13T və 13T Pro modelləri üzərində çalışır. Hətta Xiaomiu mənbəsi yeni smartfonlar barədə ilkin detalları ortaya çıxarıb. Beləliklə Xiaomi brendi yeni 13T seriyası üçün MediaTek çipsetlərindən imtina edəcək. IMEI verilənlər bazasında görünən yeni Xiaomi 13T seriyasının bəzi xüsusiyyətləri də ortaya çıxıb. Hətta yeni seriyanın nə zaman təqdim ediləcəyi də məlum olub.
Ümumiyyətlə uzun müddətdir ki, Xiaomi brendinin yeni 13T seriyası barədə məlumatlar mövcuddur. İndi isə yeni seriya ilk dəfə olaraq imei bazasında ortaya çıxıb. IMEI verilənlər bazasındakı məlumatlara əsasən demək olar ki, yeni seriya qlobal bazar üçün təklif ediləcək. Xiaomi 13T smartfonu 2306EPN60G model nömrəsinə malikdir. Hətta cihaz MIUI-də M12A olaraq adlandırılıb. Mənbənin verdiyi məlumata əsasən yeni smartfon Çin bazarında satışa çıxmayacaq. Maraqlısı budur ki, Xiaomi yeni 13T seriyasında MediaTek çipsetlərindən imtina edəcək.
Çinin smartfon nəhəngi yeni seriyasında Dimensity 8100 Ultra ilə müqayisədə Snapdragon 8+ Gen 1 və ya 7+ Gen 2 çipsetlərindən istifadə edəcək. Məhz bu səbəbdən də yeni smartfonların performans cəhətdən sələflərindən daha güclü olacağı gözlənilir. Çünki hər iki prosessor performans cəhətdən ilk sıralardadır. Xiaomi brendinin MediaTek çipsetlərindən imtina edəcəyi dəqiqləşsə də, yeni 13T modelinin digər xüsusiyyətləri barədə məlumat yoxdur. Bundan əlavə Xiaomi 13T və 13T Pro modelləri sentyabr ayında təqdim edilə bilər. Lakin bu tarix bəzi bazarlar üçün fərqli ola bilər.
