Dünyanın ən məşhur sosial şəbəkələrindən biri hesab olunan YouTube nəhayət videolardan pul qazanmaq şərtində dəyişiklik edərək onları yüngülləşdirir. Bildiyimiz kimi sosial media platformaları arasında ən gəlirli olanlarında biri hətta birincisi məhz YouTube-dur. Lakin bu platformada pul qazanmaq üçün kanal sahiblərinin və ya youtuberlərin müəyyən şərtləri qarşılaması tələb olunur. İndi isə şirkət şərtlərdəki göstəriciləri 50% azaldır.
Yeni şərtlər ilə YouTube platformasında pul qazanmaq artıq çox sadədir. İllərdir pul qazanmaq ilə bağlı ciddi qaydalar və şərtlər tələb edən şirkət artıq daha sadələşdirilmiş şərtlər və qaydalar təklif edir. Qeyd edək ki, yeni şərtlərdən əvvəl şirkət kanal sahiblərinin pul qazanması üçün onlardan son 1 il içərisində min abunəçi və 4000 saat video tələb edirdi. Bununla yanaşı şirkət kanal sahiblərindən və ya pul qazanmaq istəyənlərdən son 3 ayda 10 milyon Shorts baxışı tələb edirdi. Təbii ki, bu şərtlər ilə yeni kanal açmaq həmçinin pul qazanmaq biraz qəliz məsələ olurdu.
İndi isə YouTube qaydaları daha asanlaşdırır. Beləliklə yeni şərtlərə əsasən pul qazanmaq üçün tələb olunan abunəçi sayı 500 olub. Həmçinin pul qazanmaq üçün istifadəçilər ən azı 3000 saat video yükləməlidir. Bundan əlavə Shorts tərəfində göstərici 3 milyona endirilib. Yeni şərtlər ilk olaraq ABŞ, İngiltərə, Kanada, Tayvan və Cənubi Koreye üçün təklif ediləcək. Qısa zaman ərzində isə şirkət bütün ölkələrdə yeni şərtləri tətbiq edəcək. Bununla da gələcək günlərdə YouTube platformasında daha çox yeni kanal görə biləcik.
