Uzaq ərazilərdəki məkanlara çatmaq üçün bütün günü havada keçirməli olduğunuz günlər keçmişdə qalacaq. Belə ki, Çin iki saata dünyanın istənilən yerinə çata biləcək hipersonik sərnişin təyyarəsi hazırlayır. Yeni təyyarə “Sonsord”dan altı dəfə sürətli olacaq və sınaq uçuşları gələn ilin əvvəlində başlaya bilər.
Nanqiang No 1 adlı prototip Fujian əyalətindəki laboratoriyada sınaqdan keçirilir. Tam ölçülü prototiplə sınaq uçuşları isə 2025-ci ilə planlaşdırılır. Təyyarənin cəmi 500 kq çəkisi, 10 nəfərlik oturacağı və növbəti onillik ərzində ödənişli sərnişinlərin istifadəsinə veriləcəyi gözlənilir. Turbofanlarla yanaşı, raket və raket mühərriklərinin birləşməsindən istifadə edən təyyarə, səs sürətinin 6 qatı olan Mach 6 yəni təxminən 7409 km/saat sürətinə çata biləcək. Çin Respublikasının baş elmi işçisi Yin Zyusun bildirib ki, “Bu texnologiyanın kəşfi bütün dünya üzrə uçuşların müddətini xeyli azaldacaq”.
Eyni zamanda, Çin Aviasiya Mühəndisliyi Tədqiqatının elm və texnologiya direktoru olan Yin bildirib ki, komanda 2019-cu ildə təyyarə üzərində işləməyə başlasa da, prototipin hipersonik sürətlərdə səyahət etməsi üçün lazım olan imkanı yarada bilməyib və bu təyyarə sadəcə Mach 1 sürətinə çata bilib. Komanda maksimal sürətə çatdıqdan sonra və ya qəza zamanı təyyarənin necə yavaşlayacağını izah etməyib. Bununla belə, layihə uğurlu olarsa, “Nanqіang No 1” 2450 km/saat sürətə sahib olan Sonsorde təyyarəsindən təxminən iki dəfə sürətli olacaq. Nanqіang No. 1-in ortaya çıxmasına mane ola biləcək problemlərdən biri çox sürətli hərəkət edərkən yaranan səs-küydür. İndiyə qədər yalnız kiçik və eksperimental alətlər Mach 6 sürətinə çata bilib.
