Texnologiyanın inkişafı ilə birlikdə dünyada təhlükəsizliklə bağlı narahatlıqlar da artır. Məhz, bu narahatlıqların aradan qaldırılması və ya azaldılması üçün elm adamları daim yeni təhlükəsizlik metodu axtarışındadır. Vermont Universitetindən olan bir qrup alim, təhlükə yarandıqda özünü məhv edən çiplər hazırlamağın bir yolunu tapıb. Ümumiyyətlə, bu gün texnologiya tərəfində əsas narahatlıqlar məhz kiberhücumlar, məlumat oğurluğu və casusluqla bağlıdır.
Texnologiya həvəskarlarının kiberhücumlar, məlumat oğurluğu və digər mövzularla bağlı narahatlıqları artdığı üçün isə Vermont Universitetindən olan bir qrup alim hərəkətə keçib. Alimlər təhlükə yarandıqda heç bir məlumatın deşifrə olmaması üçün özünü məhv edən çiplər hazırlamağı bacarıb. Onların irəli sürdüyü yanaşma həm təhlükəsizlik tədbiri kimi xidmət edir, həm də dizaynın qorunmasını təmin edir. Qeyd edək ki, bu prosessor sadəcə 10 saniyəyə özünü məhv edəcək. Özünü məhv edən çip mexanizmi Fiziki Klonlamayan Funksiyalar (PUF) yanaşmasından istifadə edərək işləyir.
PUF hər bir çip üçün rəqəmsal barmaq izi kimi hərəkət edə bilən unikal kod yaratmaq üçün hər bir tranzistorun elektron xüsusiyyətlərindəki kiçik fərqlərdən istifadə edir. Eric Hunt-Schroederin rəhbərlik etdiyi və Marvell Technology-nin də daxil olduğu Vermont Universiteti araşdırma komandası bu metodu bir addım irəli aparmağı bacararaq iki yeni üsul əlavə edib. Hər iki üsul şifrələmə açarına qoşulmuş dövrə xətlərində gərginliyin artırılmasına əsaslanır. Birinci üsul dövrənin ən uzun ara bağlantılarındakı cərəyanı artırmağa yönəlmişdir. Bu, elektromiqrasiyaya yəni, çox dar bir-birinə bağlı olan cərəyanın metal atomlarını yerlərindən oynadaraq boşluqlara və açıq dövrələrə səbəb olur. kinci üsulda, 1V-dən aşağı işləməli olan tranzistorlar 2,5V-ə məruz qalaraq qısaqapanırlar. Bu, zamandan asılı olaraq dielektrik deqradasiyasına, yəni tranzistorun köhnəlməsinə və cihazın yararsız hala düşməsinə səbəb olur.
