Çinin elektromobil sahəsində lider olduğu artıq hərkəs tərəfindən məlumdur. Belə ki, çinli texnologiya nəhəngləri olan Huawei, Changan və CATL ortaq elektromobilləri Avatr 12 modelini təqdim ediblər. Xatırladaq ki, hər 3 brend ilk dəfə 2021-ci ildə elektrikli Avatr 11 krossoverini təqdim etmişdi. Bu model EP1 platformasına əsaslanırdı. Maraqlısı budur ki, Changan və CATL brendlərinin Avatr şirkətində müəyyən qədər hissəsi olsa da, Huawei heç bir paya malik deyil. Lakin ən böyük marketinq və platforma dəstəyi Huawei şirkətinə məxsusdur.
Qeyd edək ki, Huawei, Changan və CATL şirkətlərinin ortaq elektromobili olan Avatr 12 sələfindən fərqli olaraq sedan versiyasına sahib olacaq. Özünəməxsus interyeri, eksteryeri və proqram təminatı olan bu elektromobil artıq təqdim olunub. İdman üslublu elektromobil incə led faralara sahibdir. Avtomobilin aerodinamikası çox mükəmməl dizayn edilib. 5020 mm uzunluğa, 1999 mm enə və 2460 mm hündürlüyə sahib olan avtomobilin təkər bazası 3020 mm-dir. Bundan əlavə avtomobilin boş çəkisi 2180 kq təşkil edir. Həmçinin elektromobilin standart versiyası Huawei tərəfindən istehsal olunan elektrik mühərriki ilə təchiz edilib. Bu mühərrik arxada quraşdırılıb və 313 at gücü hasil edir. Tam ötürücülü versiyada isə elektromobil 2 mühərrikə sahib olub. Hansı ki, bu mühərrikərin ümumi hasilatı 548 at gücünə bərabərdir.
Hələlik yeni Avatr 12 elektromobilin batareya tutumu açıqlanmayıb. Ehtimallara əsasən, 90.4 kVts ve ikincisi 116.8 kVts həcmli batareya paketləri təklif olunacaq. Bu da üst variantda təqribi 700 Km yürüyüş məsafəsi təklif etməlidir. Elektromobilin batareyalarının CATL tərəfindən istehsal olunacağı isə artıq məlumdur. Ümumiyyətlə Huawei əsasən proqram təminatı, elektromobilin platforması tərəfində, Changan isə ehtiyat hissələri, avtomobilin istehsalı tərəfində məsuliyyəti öz üzərinə götürüb.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
