1 həftə əvvəl ABŞ-da istifadəyə verilən iOS üçün ChatGPT tətbiqi artıq Azərbaycanda istifdəyə verilib. Belə ki, bu barədə OpenAI şirkəti twitter hesabında məlumat paylaşıb. Yeni ChatGPT tətbiqi artıq 30-dan çox ölkədə istifadəyə verilib. Xatırladaq ki, OpenAI şirkəti yaxın gələcəkdə Android smartfonlar üçün də oxşar tətbiqin təqdim ediləcəyini bildirmişdi. Ümumiyyətlə gün keçdikcə təkmilləşən ChatGPT süni intellekt aləti tətbiq vasitəsilə artıq milyonlarla istifadəçi qazanacaq.
Qeyd edək ki, 42 mb həcmində olan iOS üçün ChatGPT tətbiqi artıq Azərbaycanlı istifadəçilər üçün əlçatan olacaq. Maraqlısı budur ki, tətbiq reklamsızdır və səs yazmağa imkan verir. Qaranlıq rejimdə də istifadə edilə bilən model cihazlar arasında söhbətləri sinxronizasiya edə bilir. Həmçinin yeni tətbiq GPT-4 dil modelinə əsaslanır. Bundan əlavə OpenAI daim GPT-4 dil modelini təkmilləşdirməyə davam edir. Məsələn keçən ay şirkət milyonlarla istifadəçisi olan ChatGPT üçün plagin dəstəyini elan etmişdi. Bundan əlavə ChatGPT süni intellekt alətinin internet bağlantısına qoşulacağı məlum olmuşdu. Belə ki, bu xüsusiyyət Beta versiyada istifadəçilər üçün təklif edilmişdi. Hətta yeni xüsusiyyət sınaq mərhələsində idi.
Əslində OpenAI şirkəti süni intellekt alətlərinin mobil cihazlar üçün tətbiq vasitəsi ilə təqdim edəcəyini bildirməmişdi. Məhz bu səbəbdən də şirkətin iOS üçün təklif etdiyi ChatGPT tətbiqi gözlənilməz olmuşdu. Lakin artıq iOS cihazları üçün ChatGPT Azərbaycanda, Əlcazairdə, Argentinada, Boliviyada, Braziliyada, Kanadada və digər ölkələrdə istifadəyə verilib. Ümumilikdə 30 dan çox ölkə üçün əlçatan olan tətbiq daha çox ölkədə də istifadəyə veriləcək.
