Dünyanın ən çox istifadə edilən internet brauzeri olan Google Chrome daha bir yenilik edərək istifadəçilər üçün xülasə hazırlayacaq. Bəzən brauzerdə hərhansı ölkə, şəxiyyət və ya digər məzunlar barədə qısa məlumat almaq lazım olur. Lakin qarşımıza əsasən bir neçə səhifəlik məqalələr çıxır. Google bu problemi həll etməyə çalışır. Belə ki, artıq Google istifadəçilərə lazım olan mövzu barəsində qısa və ətraflı məlumat verəcək. Təbii ki, bu süni intellekt sayəsində mümkün olacaq.
Ümumiyyətlə Chrome brauzeri bu gün bazarda olan bir çox rəqibini çox böyük fərqlə geridə qoyur. Brauzerə əlavə edilən hər yeni funksiya da bu fərqi daha da böyüdür. İndi isə sadəcə bir neçə saniyə ərzində uzun məqalələr barədə məlumat əldə etmək olacaq. Hətta Google istifadəçilər üçün hazırladığı xülasə funksiyasını iOS və Android cihazlarda sınaqdan keçirməyə başlayıb. Yaxın günlərdə isə yeni funksiyanın masaüstü brauzerə də əlavə ediləcəyi gözlənilir. Artıq xəbər və ya məqalələri oxumadan onlar barədə qısa məlumat əldə etmək mümkün olacaq.
Qeyd edək ki, yeni funksiya masaüstündə sağ tərəfdə yerləşəcək. Həmçinin ayrı bir panel üzərində onu işə salmaq da mümkün olacaq. Sadəcə bir neçə saniyə ərazində Google brazuerinin süni intellekti məqaləni nəzərdən keçirəcək və sizə bir neçə cümləlik xülasə təqdim edəcək. Maraqlısı budur ki, bu funksiya sadəcə ABŞ üçün təqdim edilməyəcək. Google bu funksiyanın bir çox ölkədə, fərqli dillərdə təklif edəcək.
