Bu ilin ikinci rübü üçün Display Supply Chain Consultants şirkəti hesabat yayımlayıb. Belə ki, hesabatda 2023-cü ildə ən çox satılan OLED ekranlı smartfonlar məlum olub. Görünən odur ki, Apple yenə liderliyi özündə saxlaya bilib. Ümumiyyətlə bu gün smartfon bazarında OLED ekrana sahib olan çox az smartfon mövcuddur. Onların bir çoxu flaqman cihaz olduğundan aralarındakı rəqabət də qızğın olur. Lakin Apple yenə flaqman modelləri ilə bütün rəqiblərini ötə bilir. Maraqlısı budur ki, hesabata görə ən çox satılan 5 smartfon modelindən ilk 4-ü məhz Apple brendinə məxsusdur.
2023-cü ilin ikinci rüübndə ən çox satılan OLED ekranlı smartfonlar siyahısında ilk 5 yer Apple və Samsung brendlərinin flaqman modellərinə məxsusdur. Belə ki, Display Supply Chain Consultants tərəfindən verilən məlumata görə bu ilin ikinci rübündə ən çox satılan OLED ekranlı smartfon məhz Apple brendinin flaqman cihazı olan iPhone 14 olub. Satılan bütün OLED ekranlı smartfonların 15.3%-i məhz bu modelə məxsus olub. Ondan aşağıda isə müvafiq olaraq 11.1%, 10.7%, 9.2% və 5.2% ilə iPhone 13, iPhone 14 Pro Max, iPhone 14 Pro və Samsung S23 Ultra modelləri dayanır. Maraqlısı budur ki, ilin birinci rübündə iPhone 14 Pro Max modeli 20.1% ilə siyahıda lider olub. İndi isə birinci yer məhsz iPhone 14 modelinə məxsus olub.
Ümumiyyətlə Apple brendi hər il smartfonlarının qiymətini artırsa da satışları aşağı düşmür. Belə ki, gələn ay təqdim ediləcək iPhone 15 seriyasının gözləniləndən daha baha satılacağı artıq məlumdur. Həmçinin bu modellər Avropa Birliyinin qərarına uyğun olaraq USB-C portuna sahib olacaq. Maraqlısı budur ki, aksesuar satışından müəyyən gəlir əldə edən Apple bu dəfə nə edəcək.
