Goldman Sachs resursunun tədqiqatlarına görə süni intellekt sahəsində son nailiyyətlər Avropa və ABŞ-da əmək bazarlarında iş yerlərinin dörddə birinin avtomatlaşdırılmasına gətirib çıxarır. Bu o deməkdir ki, 300 milyon insan yeni iş yerləri axtarmağa məcbur olacaq. Bildiyimiz kimi, ChatGPT kimi generativ süni intellekt sistemləri insan əməyinin bəhrələrindən fərqlənməyən məzmun yarada bilir. Eyni zamanda Süni intellekt əmək məhsuldarlığını xeyli artıra bilir. Hesablamalara görə digər bir tərəfdən süni intellekt 10 il ərzində qlobal ÜDM-i 7% artıracaq. Süni intellekt gözləntiləri doğrultsa bu əmək bazarında əhəmiyyətli şoklara səbəb olacaq. Analitiklərin fikrincə, işdən çıxarılmanın ən böyük riski hüquqşünaslar və inzibati heyət (idarəçilər, xidmətə nəzarət və.s) üzərindədir.
Əksər işlərdə avtomatlaşdırma iş yükünün yarısından azına təsir edəcək, lakin bu işçilərin ixtisarına deyil, məhsuldarlığın artmasına gətirib çıxaracaq. Bu ssenari iş yerlərinin 63%-lik hissəsinə təsir edəcək. Fiziki işlərdə və ya açıq havada işləyən insanların daha 30%-i dəyişikliklərdən təsirlənməyəcək. Təkcə ABŞ-da mütəxəssislərin təxminən 7%-i generativ süni intellektin tapşırıqların ən azı yarısını yerinə yetirə bildiyi işlərdə çalışır və belə işçiləri kompüterlər əvəz edə bilər.
Avropada da oxşar effekt gözlənilir. Qlobal kontekstdə, inkişaf etməkdə olan ölkələrdə fiziki əməyin məşğulluğun əhəmiyyətli hissəsini təşkil etdiyini nəzərə alsaq, süni intellekt tapşırıqların təxminən 20%-ni yerinə yetirə biləcək. Böyük iqtisadiyyatlarda təxminən 300 milyon insan yeni iş axtarmalı olacaq. Qeyd edək ki, süni intellekt indiyədək məhkəmə qərarlarının qəbulu, reanimasiyada olan xəstənin vəziyyətinin yoxlanılması, beynəlxalq vergi qanunvericiliyinin öyrənilməsi kimi tapşırıqlarda daim müzakirə mövzusu olub.
