OpenAI şirkətinin bu günə qədər ən uğurlu məhsulu kimi ortaya çıxan GPT artıq bir çox peşələr üçün faydalı mövqeyə çevrilib. OpenAI şirkəti bu mövzuda maraqlı bir açıqlaması ilə diqqət çəkib. Belə ki, GPT təkcə ABŞ-dəkı peşələrin 19%-i üçün tələb olunan işçi qüvvəsinin 50%-ni qarşılaya bilər. Hətta yeni buraxılmış GPT-4 dil modeli və digər təkmilləşdirmələrlə bu nisbətin getdikcə daha da artacağı və işsiz insanları çoxalda biləcəyi gözlənilir.
Yeni elan edilmiş GPT-4 dil modelindən sonra LLM (Böyük Dil Modelləri) imkanlarını araşdırdıqda OpenAI komandası süni intellekt səbəbindən bir çox iş sahələrinin təhlükə altında olduğunu və işsiz insanların artacağını vurğulayıb. Komanda, süni intellektin hüquqşünaslar, proqram təminatçıları, tədqiqatçılar, məzmun yaradıcıları, məlumat analitikləri və qrafik dizaynerlər kimi xüsusilə yüksək maaş alan peşələrə daha çox təsir edəcəyini bildirir.
OpenAI və Pensilvaniya Universitetinin tədqiqatçıları tərəfindən 1016 fərqli peşədən ibarət O*NET verilənlər bazası üzərindən bu mövzuda təhlillər aparılıb. Araşdırmalar nəticəsində xüsusilə GPT-4 dil modelinə əsaslanaraq görülən proseslərdə bir insanın gürdüyü prosesin ən az 50% azaldığı müşahidə olunub. Tədqiqatçılar razılaşdılar ki, yüksək keyfiyyətli iş nəticələrini qoruyarkən bir işi başa çatdırmaq üçün tələb olunan vaxtı ən azı iki dəfə azaltsalar, GPT tətbiq edildikdən sonra bir insanın tapşırıq prosesi əhəmiyyətli dərəcədə dəyişəcəkdir. Bu da işçi qüvvəsinin azalmasına elə indi belə asanlıqla imkan verir. Nəticə etibarilə GPT statistik hesablamalara görə spesifik sahələrdə 5 nəfərdən birini işsiz qoya bilər.
ChatGPT proqramçıların kodlarındakı səhvləri aşkar etməkdə və düzəltməkdə deyə bilərik ki, peşəkardır. Həm də məktəb tapşırıqlarında tez-tez görünən açıq tipli analitik suallara cavab verərək də insanlara kömək edir. Bir çox pedaqoq ChatGPT və onun kimi alətlərin ev tapşırığının və qəbul imtahanlarının sonunu gətirəcəyini proqnozlaşdırıb.
