Süni intellektə əsaslanaraq edə biləcəkləri ilə nəfəs kəsən və çoxlarının fikrincə Google-un sonunu gətirəcək olan ChatGPT-nin yaradıcısı OpenAI şirkəti yaxşı bilirki sistemin işləməsi üçün ayda milyonlarla pul xərcləməsi lazımdır. Buna görə ChatGPT Professional xidməti hazırlanıb. Maraqlıdır ki, yaxın vaxtlarda Microsoft-dan 10 milyard dollar maliyyə vəsaiti axtaran şirkət indi isə proqram təminatından pul qazanmağın yollarını sınaqdan keçirir. Süni intellekti ödənişli edəcək professional xidməti, şirkətdən verilən məlumata görə, heç bir gözləmə vəziyyətinə malik olmayacaq, daha sürətli işləyəcək və daha çox cavab təklif edə biləcək.
OpenAI, Discord vasitəsilə yayımladığı bir mesajda ChatGPT-dən necə pul qazanmağı düşünməyə başladıqlarını elan edib və bu sözləri qeyd edib: “Məqsədimiz xidmətin inkişaf edərək işləməsini davam etdirmək və ondan pul qazanmaqdır ki, uzunmüddət sizə ChatGPT-ni təmin edə bilmək üçün düşündüyümüz yollardan biridir. Bu məsələ ilə bağlı rəy almaq üçün bəzi insanlarla görüşmək istəyirik. ”
ChatGPT professional xidməti nə vaxt buraxacağı hələ məlum deyildi, lakin siz hazırda işə salınacaq pilot proqramda iştirak etmək istəyirsinizsə bu linkdən növbəyə dura bilərsiniz. Təbii ki, ölkəmizdə aktiv olmayacağından
ChatGPT təkcə imkanları ilə deyil, həm də uğurları ilə OpenAI üçün reklam kampaniyasına çevrilib. Milyonlarla istifadəçi ChatGPT ilə olan söhbəti sosial mediada paylaşıb. Bundan əlavə Microsoft şirkəti OpenAI üçün 10 milyard dollar sərmayə qoyacağı və ChatGPT-nin arxasındakı süni intellekti Office programlarına və Bing brauzerinə daxil edəcəyi deyilir. OpenAI şirkəti artıq DALL-E görüntü generatoru kimi bəzi proqram təminatına ödənişli giriş təklif edir. ChatGPT-dən pul qazanmaq OpenAI üçün məntiqli növbəti addım olardı.
