Microsoft Office proqramları olan PowerPoint, Excel, Outlook, Word və bir çox başqa proqramlar işimizi və gündəlik həyatımızı asanlaşdırır. Bu səbəbdən bun proqramlara ediləcək əlavələr və funksiyalar hamımızda maraq yaradır. The Information tərəfindən verilən məlumata görə Microsoft şirkətinin planlarında daha böyük dəyişiklik yaradacaq şeylər var. İddiaya görə, Microsoft Office proqramlarına OpenAI dəstəyi əlavə etmək istəyir.
Bu nə işə yarayacaq?
“The Information” hesabatına görə, Microsoft artıq ChatGPT-də istifadə edilən süni intellekt modelini Word tətbiqinə gətirmək üçün sınaqlara başlayıb. Bu süni intellekt Word və Outlook kimi proqramlarda avtomatik doldurma və mətn redaktəsi kimi funksiyalar üçün istifadə olunacaq. Powerpoint proqramında həm GPT kimi mətnlərdən, həm də Dall-E 2 kimi dizayn modelləşdirmə alqoritmlərindən istifadə ediləcək və onlarla səhifəlik slaydlar və slayd dizaynları bir neçə sözlə hazırlana biləcək. Semafor tərəfindən verilən xəbərə görə, Microsoft Office proqramlarına ChatGPT və OpenAI-a 10 milyard dollar sərmayə qoymaq üçün danışıqlara başlayıb və beləliklə platformanın dəyəri 29 milyard dollara çatmalıdır.
Ancaq təbii ki, bu süni intellekt dəstəyinin Microsoft proqramlarına gəlib-gəlməyəcəyi hələ ki, bəlli deyil. Bu qeyri-müəyyənliyin ən böyük səbəbi OpenAI şirkətinə məxsus ChatGPT sisteminin hələ də yalan məlumatı doğru təftiş edə bilməməsidir. OpenAI tərtibatçıları bu problemin GPT-nin 4-cü versiyasında aradan qaldırılacağını iddia edirlər, lakin hesabata görə, Microsoft bu problemin tamamilə həll olunduğuna əmin olana qədər bu sistemi Microsoft proqramlarına əlavə etməkdə gözləyəcək.
Hal-hazırda Microsoft Office proqramlarında çox sadə süni intellektlə dəstəklənən proqramlar istifadə edilsə də, şirkət süni intellektin inkişafı ilə istifadəçilərinə məqalələrin səhifələrini yazmaq və yalnız bir neçə sözdən istifadə etməklə həm ətraflı, həm də orijinal slaydlar hazırlamağı hədəfləyir. Bundan əlavə, Microsoft rəsmiləri bu süni intellekt modellərinin ilkin sınaq mərhələsində çox uğurlu olduğunu açıqladılar.
