Def Con konfransında MG adı ilə tanınan xaker və tərtibatçı Maykl Qrover O.MG Elite adlı kabelini nümayiş etdirib. Kabel USB, Wi-Fi və keylogger dəstəyinə malikdir. Bu kabelin köməkliyi ilə istənilən kompüteri və ya smartfonu sındırmağın mümkün olduğu deyilir. Bundan sonra isə cihazların istifadəsinə nəzarət edə, həmçinin klaviatura basılma və komanda əlavə etmə icazələrinə daxil ola bilərsiniz. Tərtibatçının qeydlərinə görə bütün aktual əməliyyat sistemləri dəstəklənir.
O.MG Elite nədir?
Xarici görünüşü ilə hər hansı USB kabelindən fərqlənmir. Lakin kabelin daxilində xüsusi “implant” quraşdırılıb. Hansı ki, veb-serverləri, USB-bağlantısını və Wi-Fi bağlantısını dəstəkləyir. Kabel taxılır cihaza taxıldıqda bu “implant” işə düşür və kabelin digər ucundan cihaza qoşulma qoşulmaq üçün lazımi icazələri əldə edirsiniz.
Nəticə etibarı ilə sadə görünüşü olan kabel vasitəsi ilə bütün şəxsi və ya lazımi məlumatlarınız ələ keçirilə bilər. O.MG Elite eyni zamanda genişləndirilmiş şəbəkə imkanlarını dəstəkləyir və internet vasitəsi ilə iki istiqamətli bağlantı qurmaq imkanı yaradır.
O.MG kabel ilə nələr mümkündür ?
Bu kabelin köməkliyi ilə hədəf cihazlar mühim bir boşluqla aldadılır. smartfona kabel klaviatura kimi göstərilir. Bundan sonra isə istənilən komanda sətrinə istənilən əmri yaza bilirsiniz. Bu artıq hücüm üçün geniş imkanlar yaradır. Komanda sətrini istifadə edərək proqramları aça, zərərli tətbiqlər yükləyə və hətta Chrome yaddaşında olan şifrələri belə oğurlaya bilərsiniz.
O.MG Elite kabeli həmçinin keylogger funksiyasını dəstəkləyir. Yəni klaviatura ilə yazılmış istənilən məlumat yadda saxlanılır. Kabel quraşdırılmış yaddaşında 650.000-ə qədər qeyd saxlaya bilir.
Quraşdırılımış Wi-Fi modulu köməkliyi ilə sizin bütün hack edilmiş məlumatlarınız kənar bir mənbəyə göndərilə bilər. Bunun qarşısını nə Antivirus proqramı, nə də ki korporativ şəbəkə standartları ala bilmir. Quraşdırılmış şəbəkə interfeysi bunların hamısından yan keçir. Nəticədə xəbəriniz belə olmadan məlumatlarını oğurlanır.
Kabelin təhlükə dərəcəsi
O.MG Elite kabeli kifayət qədər gizlidir. Kabeli əlinizdə tutduqda belə, şübhəli heçnə bilinmir. Onu kimsə sizə smartfonunu şarj üçün təklif etsə, xəbəriniz olmadan məlumatlarınız oğurlanacaq. Lightning, USB-A və USB-C girişlərinə uyğun adaptasiya hesabına istənilən Windows, macOS, iPhone və ya Android cihaza qoşula bilər. Təbii ki, insanların bu kabellə hədəfə çevrilmə şansı azdır. Lakin kabelin Elite versiyası 179,99 dollara satılır və bundan sınaqlar üçün istifadə etməyin mümkün olduğu qeyd edilir.
Kabelin istifadəsi isə çətin deyil. O.MG kabelinin onlayn quraşdırma təlimatlarına əsasən, ondan istifadə etmək üçün mütəxəssis olmağa ehtiyac yoxdur. Kabeli istifadə etmədən öncə ilkin bəzi tənzimləmələr tələb edilir. Məsələn, xüsusi proqram təminatının yenilənməsi və.s. Sonra isə kabel brauzer və veb-interfeysinin köməkliyi ilə proqramlaşdırıla bilər. Siz hücüm skriptlərinizi təkmilləşdirilmiş DuckyScript versiyasında yaza bilərsiniz. O.MG Elite kabelinin qiymətini nəzərə alsaq, bir çoxlarının fikrincə ilk “hack” cihazı kimi əlverişsizdir.
