Google, proqram tərtibatçıları üçün müxtəlif cihazlar arasında əlaqə saxlayan Android proqramları yaratmağı asanlaşdırmağa çalışır. Mövzu ilə bağlı bloq yazısında şirkət bildirib ki, tərtibatçıların tətbiqlərinin Android smartfonlarda və həmçinin bütün bu əməliyyat sisteminə sahib cihazlarda, planşetlərdə, televizorlarda yaxşı işləməsini təmin etmək üçün lazım olan alətləri özündə birləşdirən yeni cihazlar arası proqram təminatı inkişaf dəstini (SDK) təqdim edib. Cihazlar arası proqram təminatı inkişaf dəsti tərtibatçılarının proqramları ilə üç vacib funksiyanın yerinə yetirilməsinə icazə veriləcək.
Sözügedən 3 vacib funksiya hansılardır?
SDK-nın proqram tərtibatçılarının, proqramları ilə yerinə yetirə biləcəyi funksiyalar bu formada sıralanır:
- Yaxındakı cihazları kəşf etmək;
- Cihazlar arasında təhlükəsiz bağlantı yarada bilmək;
- Tətbiqlərin birdən çox cihazda yer ala bilməsi.
Belə ki, Google şirkətinə görə cihazlar arası SDK çoxlu cihaz bağlantısını təmin etmək üçün Wi-Fi, Bluetooth və genişzolaqlı bağlantılardan istifadə edir. Google cihazlar arası proqram təminatı inkişaf dəsti üçün müxtəlif istifadə nümunələrini rəsmi səhifəsində bölüşüb. Bu istifadə nümunələrinin bir çox ssenarilərdə olduqca işə yararlı ola biləcəyi görülür.
Hansı hallarda işimizi asanlaşdıracaq?
Məsələn deyək ki, bir qrup insansınız və menyudan yemək seçirsiniz. Eyni menyunun fərqli cihazlarda eyni anda açılması sizin telefonunuzun əldən-ələ gəzməsinin qarşısını alacaq. Bundan başqa əgər telefonunuzda bir məqalə yazırsınızsa və işinizə başqa bir cihazınızla davam etmək istəyirsinizsə keçid etdiyiniz cihazda məqalənizə elə qaldığınız yerdən davam edə biləcəksiniz. Bu, Android istifadəçilərinə faylları Chromebook və digər Android cihzlara köçürməyə imkan verən Nearby Share funksiyasının genişləndirilmiş forması kimi görünür.
Google bu dəstəyi qeyri-Android əməliyyat sistemləri üçün də genişləndirir
Cihazlar arası alətlər dəsti (SDK) hazırda tərtibatçıların önizləməsində mövcuddur və hələlik yalnız Android telefonları və planşetləri ilə işləyir. Google bu dəstəyi nəhayət iOS və Windows da daxil olmaqla “digər Android mühitləri və qeyri-Android əməliyyat sistemləri” üçün genişləndirmək istəyir. Lakin bunun nə vaxt baş verəcəyi ilə bağlı heç bir məlumat yaymayıb. Dəstək, hələ ilkin mərhələdə olduğuna görə yaxın müddətdə iOS və Android cihazları arasında əlaqə yaratmağa imkan verən vahid bir proqram görməyi gözləmirik. Lakin tərtibatçıların işə başlamaq üçün yeni imkanları necə həyata keçirdiklərini və bunun müəyyən proqramların istifadəsini asanlaşdırıb-asanlaşdırmayacağını görmək maraqlı olacaq.
Mövzu barədə fikirlərinizi şərhlər bölməsində bizimlə bölüşə bilərsiniz.
