macOS sonoma ilə Windows oyunları daha əlçatandır!

Xatırladaq ki, ötən gün Apple şirkəti WWDC23 tədbirinin bir hissəsi olaraq yeni iOS 17 əməliyyat sistemindən əlavə iPadOS 17, macOS 14 Sonoma və watchOS 10 əməliyyat sistemlərini təqdim etmişdi. Ötən gün təqdim edilən yeni macOS sonoma əməliyyat sistemi ilə artıq Windows oyunlarını Mac modellərinə ötürmək daha sadədir. Belə ki, Apple yeni əməliyyat sistemində oyun sahəsi ilə bağlı böyük bir addım atıb. Bildiyimiz kimi, Mac modellərinin ən böyük mənfi xüsusiyyətlərindən biri məhz oyun çeşidliliyinin az olması idi. Buna səbəb ilə əməliyyat sistemi ilə işləyə biləcək oyunların çox çətin hazırlanması idi. Bir sözlə desək Apple oyun tərtibatçılarına Mac modelləri üçün oyun hazırlamağa şərait yaratmırdı.

Yeni macOS sonoma əməliyyat sistemində Apple oyun sahəsinin inkişafı üçün Windows oyunlarının Mac modellərinə ötürülməsini sadələşdirib. Belə ki, texnologiya nəhəngi yeni Game Porting Tool adlanan xüsusiyyəti əməliyyat sisteminə əlavə edib. Bu xüsusiyyət isə artıq Windows sistemi üçün oyun tərtib edənlərin Mac modellərinə də yeni oyunlar tərtib etməsinə və ya Windows oyunlarını məhz macOS sistemlərinə ötürülməsinə imkan verəcək. Lakin təəssüf ki, ilkin sınaqlar nəticəsində məlum olub ki, macOS sisteminə ötürülən oyunlar Mac modelinin tam performansını əldə edə bilmir. Yəni oyunlar 2 dəfə daha az performansa sahib olur.

Hələlik oyunlar Mac modellərinə tam optimizasiya edilməsə də gələcəkdə bu problemlər də aradan qalxa bilər. Çünki texnologiya nəhəngi artıq macOS sisteminə yeni oyunların ötürülməsinə imkan verib. Yeni xüsusiyyət həm də məcburiyyətdən Mac modellərindən imtina edən şəxslərin yenidən Mac kompüterlərinə qayıtmasına imkan verəcək. Bununla da deyə bilərik ki, Apple şirkətinin Mac modellərinin satışı artacaq. Apple macOS sonoma əməliyyat sistemini dünyanın ən qabaqcıl kompüter əməliyyat sisteminin ən yeni versiyası olaraq tədim edir. Qeyd edək ki, yeni macOS sonoma əməliyyat sistemi aşağıdakı modellər üçün əlçatan olacaq.