Süni intelellekt alətləri texnologiya dünyasına öz təsirini göstərməyə davam edir. Belə ki, Meta şirkəti Instagram üçün süni intellekt əsaslı çatbotu hazırlayır. Qeyd edək ki, ChatGPT və Google Bard kimi süni intellektə əsaslanan çatbotlar son dövrlərdə bir çox texnologiya şirkəti tərəfindən istifadə olunmağa başlamışdır. Hətta smartfonlarda belə rəqəmsal köməkçilər məhz süni intelelkt əsaslı olacaq. Meta şirkəti də rəqiblərdən geri qalmamaq üçün ən çox istifadə olunan platformasına süni intellekt əsaslı çatbot hazırlayır. Məşhur insayder Alessandro Paluzzi bu barədə məlumat verib.
Qeyd edək ki, Instagram üçün hazırlanan süni intellekt əsaslı çatbot 30 fərqli versiyaya sahib ola bilər. İstifadəçilər çatbot ilə söhbətə başlamadan əvvəl 30 versiya arasında seçim edəcək. Hələlik bu versiyaların nəyə görə bölündüyü və hansı xüsusiyyətlərə sahib olduğu məlum deyil. Hazırda süni intellekt əsaslı yeni çatbot inkişaf və hazırlıq mərhələsindədir. Beta versiyada olan bir çox xüsusiyyət tətbiqə uzunmüddət sonra əlavə edilsə də, yeni çatbotun qısa müddət ərzində istifadəyə veriləcəyi gözlənilir. Buna əsas səbəbi isə artıq Meta şirkətinin rəqiblərindən geri qalmaq istəməməsidir. Məhz bu səbəbdən şirkət çatbotu mümkün dərəcədə tez bir zamanda istifadəyə verəcək.
Meta şitkətinin Instagram üçün hazırladığı süni intellekt əsaslı çatbotu söhbətlərinizə inteqrasiya edə biləcəksiz. Bununla da söhbətlər daha maraqlı və daha əyləncəli baş tutacaq. Hələlik çatbotla bağlı şirkət heç bir açıqlama verməyib. Lakin yaxın günlərdə onun elan ediləcəyi gözlənilir. Hələlik çatbotun tam olaraq hansı xüsusiyyətlərə sahib olacağı, hansı dilləri dəstəkləyəcəyi müəyyənləşdirilməyib.
