Dünyanın texnologiya mərkəzi hesab olunan və lider ölkələrindən biri olan ABŞ yadplanetlilərə aid nəqliyyat vasitələrini gizləyir. Belə ki, bu barədə keçmiş ABŞ kəşfiyyatçısı David Grusch bildirib. 36 yaşlı David ABŞ Müdafiə Nazirliyindəki bir şöbədə anormal hava hadisələrini təhlil edən kəşfiyyatçıdır. Qeyd edək ki, o ABŞ milli coğrafiya agentliyi NGA və milli diplomatik qurumda NDS-də fəaliyyət göstərib. Ordudan tərxis edildikdən sonra isə o, ABŞ barədə inanılmaz açıqlamalar verib. David ABŞ-ın bu nəqliyyat vasitələri haqqında məlumatları Konqresdən qanunsuz olaraq gizlətdiyini də iddia edib.
Hətta David bildirir ki, o ABŞ konqresinə yadplanetlilərə aid nəqliyyat vasitələri barədə məlumat verərkən kütləvi repressiyalara məruz qalıb. Məhz bu hadisələrdən sonra o məcburən 14 illik ABŞ kəşfiyyat karyerasını sonlandırıb. Həmçinin Milli Aerokosmik Kəşfiyyat Mərkəzinin işçilərindən biri də David-in sözlərinin həqiqət olduğunu bildirib. O, Biz kainatda tək deyilik fikrini də irəli sürüb. Ümumiyyətlə ABŞ təşkilatları UFO yəni naməlum uçan obyekt terminindən deyil, UAP terminindən istifadə edirlər. Hətta rəsmi Pentagon 2 il ərzində 140-dan çox UAP ilə bağlı hadisələr barədə hesabat verib.
David bildirir ki, naməlum uçan obyektlər ABŞ hökuməti tərəfindən ələ keçirilir və təmir edilir. İllər boyunca hökumət bu nəqliyyat vasitələrinin ya bütün hissələrini ya da müəyyən hissəsini əldə edir. Hətta David qeyd edir ki, bu materillar dünyadakı heçbir materiala bənzəmir. Sınaq nəticəsində onların morfologiyası, strukturu ortaya çıxıb. Bənzərsiz atom düzülüşünə və radioloji imzalara sahib olan bu nəqliyyat vasitələri hələ də ABŞ tərəfindən gizli saxlanılır. Hətta David həmkarlarının bu barədə danışmalı olduqlarını bildirərək onları da etiraf etməyə çağırıb.
