Apple şirkəti WWDC23 tədbirinin bir hissəsi olaraq yeni iOS 17 əməliyyat sistemindən əlavə iPadOS 17, macOS 14 Sonoma və watchOS 10 əməliyyat sistemlərini təqdim edib. Qeyd edək ki, yeni versiyalar bu ilin sonundan etibarən yayımlanacaq. Mac kompüterləri üçün nəzərdə tutulmuş ynei macOS 14 Sonoma əməliyyat sistemi bir sıra yeniliklərə sahib olub. Bundan əlavə Apple şirkəti çoxsaylı kosmetik və funksional yeniliklərə sahib olan watchOS 10 sistemini təqdim edib. Həmçinin texnologiya nəhəngi iPad modelləri üçün nəzərdə tutulan yeni iPadOS 17 sistemini texnologiya həvəskarlarına təqdim edib. Gəlin texnologiya nəhənginin təqdim etdiyi yeni əməliyyat sistemlərinə yaxından nəzər yetirək.
Yeni watchOS 10 əməliyyat sistemi hansı yenilikləri təklif edir?
Qeyd etdik ki, texnologiya nəhəngi bu gecə iPadOS 17, macOS 14 Sonoma və watchOS 10 əməliyyat sistemlərini təqdim edib. Yeni watchOS 10 əməliyyat sistemi çoxlu sayda kosmetik və funksional yeniliklərə sahib olub. Həmçinin Apple Watch modelləri üçün tətbiqlərin yaradılması məsələsində daha geniş imkanlar təqdim edilib. Artıq smart saatların ekranları daha çox məlumatı əks etdirə biləcəklər. Hətta Bəzi sistem tətbiqlərinin ikonları isə tamamilə dəyişilib. Şirkət yeni əməliyyat sistemində vidjetlərin qruplaşması funksiyasını da təkmilləşdirirb. Bundan sonra videjtlər zamana və istifadəçinin geolokasiya məlumatına adaptasiya ediləcək. Yeni əməliyyat sistemi idman cəhətində də bəzi yeniliklər və təkmilləşdirmələrə malik olub. Qeyd edək ki, Sentyabr ayında isə onun stabil versiyası Apple Watch Series 4 və ondan sonra satışa çıxmış bütün Apple Watch modelləri üçün istifadəyə veriləcək.
Apple şirkətinin iPadOS 17 əməliyyat sistemi hansı xüsusiyyətlərə sahib olacaq?
Apple şirkətinin iOS 17 ilə yanaşı təqdim etdiyi iPadOS 17 əməliyyat sistemi yeni xüsusiyyətlərə sahib olub. Beləliklə iPadOS 17-də reallaşdırılmış əsas yeniliklərdən biri də bloklanmış ekranın ayarlanmasıdır. Keçən il bu funksiya iOS 16-da təqdim edilmişdi. iPhone istifadəçiləri kimi iPad istifadəçiləri də bloklanmış ekranda əks olunan saatın tərzini dəyişə və əlavə olaraq bloklanmış ekrana müxtəlif vidjetlər əlavə edə biləcəklər. Həmçinin yeni əməliyyat sistemi daha interaktiv tətbiqlərə sahib olub. Bundan əlavə Apple yeni əməliyyat sistemi üçün PDF dəstəyini təqdim edib. Bundan əlavə yeni əməliyyat sisteminin Safari brauzerində istifadəçilər bundan sonra iki istifadəçi hesabı yarada biləcəklər. Onlardan biri iş üçün digəri isə şəxsi istifadə üçün nəzərdə tutulacaq.
Mac kompüterləri üçün təqdim olunan yeni macOS 14 Sonoma hansı yeniliklərə sahib olub?
Texnologiya nəhəngi WWDC 2023 konfransında son olaraq macOS 14 Sonoma adlı əməliyyat sistemini təqdim edib. Belə ki, təqdim edilmiş yeni macOS Sonoma-da bir sıra maraqlı yeniliklər reallaşdırılıb. Ən mühüm yeniliklərdən biri məhz əməliyyat sisteminin interaktivliyi ilə bağlıdır. Artıq istifadəçilər vidjetləri bildiriş mərkəzində yerləşdirə biləcək. Bundan əlavə eyni Wi-Fi şəbəkəsinə iPhone modelini qoşaraq smartfondakı vidjetləri də macOS sisteminə köçürtmək mümkün olacaq. Mühüm yeniliklərdə biri də məhz oyun rejimi olub. Bu rejim kompüter oyunlarına prioritet sıralanma üzrə CPU və GPU resurslarını təqdim edir. Bununla yanaşı sözügedən rejim kompüterə AirPods qulaqlıqlarının və ya Playstation ilə Xbox-un gamepadlarının qoşulması halında onların siqnal gecikmələrini aşağı salır.
Ümumi olaraq Apple şirkətinin yeni təqdim etdiyi iPadOS 17, macOS 14 Sonoma və watchOS 10 əməliyyat sistemləri vidjetlər cəhətdənn təkmilləşdirlib. Bundan əlavə smartfonların və digər modellərin performanslarının artırılması üçün müəyyən yeniliklər də edilib.
