Samsung Galaxy seriyasının yeni modeli gələcək aylarda təqdim olunacaq. Galaxy S23 Ultra modelini S22 ultra modelindən fərqləndirən əsas cəhət yeni smartfonun 200MP kamera sensoru ilə təchiz olunmasıdır. Belə ki, digər istehsalçılar artıq Samsung tərəfindən hazırlanmış 200MP kamera sensorlarından istifadə etsələr də, Cənubi Koreya nəhəngi ilk dəfə bu kamera sensorundan yeni flaqman smarfonunda istifadə edəcək.
IceUniverse ləqəbli insayder yeni smartfonla bağlı bəzi iddialar paylaşıb, onun sözlərinə görə Galaxy S23 Ultra modelinin 200MP kamera sensoru Galaxy S22 Ultra modelinin 108MP sensorundan gözlə görülən qədər daha kəskin şəkillər çəkəcək.
İnsayder Samsung şirkətinin yeni smartfonunun həmçinin 50MP foto rejiminə sahib olacağını da ötən gün bildirib. Lakin o bu rejimin hələ proqram təminatı cəhətdən hazır olmadığını vurğulayıb. Təbii ki, bu məlumatların necə əldə olunduğu naməlumdur. Smartfonun dəqiq xüsusiyyətlərini təqdimatdan sonra öyrənəcə biləcəyimizi də qeyd etməliyik.
İceUniverse bu iddialarının ardıyca, Galaxy S23 Ultra prototipi ilə çəkildiyi düşünülən görüntüləri də paylaşıb. O, bu görüntünü S22 Ultra modeli ilə çəkilmiş görüntü ilə müqayisə edib. Görüntü
Paylaşılan fotoda açıq şəkildə fərqlər olduğu görünür. Belə ki, 200MP kamera sensoru ilə çəkilmiş fotonun daha aydın, 108MP kamera sensoru ilə çəkilmiş fotonun isə daha bulanıq göründüyü aşkardır. Yeni S23 Ultra çox güman ki, gecə rejimində piksel birləşməsindən istifadə edəcək və bu halda piksellərini 12.5 MP formatına qədər birləşdirə biləcək.
