Ötən günlərdə Apple şirkəti WWDC23 tədbirində iOS 17, iPadOS 17, macOS 14 Sonoma və watchOS kimi yeni və innovativ əməliyyat sistemlərini təqdim etmişdi. Qeyd edək ki, əsas yeniliklərdən biri məhz macOS sonoma əməliyyat sisteminə əlavə edilən Game Porting Tool aləti idi. Bu funksiya artıq macOS sonoma ilə Windows oyunlarını Mac modellərinə ötürməyi daha sadə hala gətirmişdi. Məhz bundan sonra M1 və M2 prosessorlu Mac modellərində macOS Sonoma əməliyyat sistemindəki oyunlar sınaqdan keçirilib.
Apple şirkətinin macOS sonoma üçün təklif ediyi Game Porting Tool bir çox oyunlar üçün yeni imkanlara yol açıb. Yəni oyun həvəskarları yeni əməliyyat sistemində oyunları sınaqdan keçirməyə başlayıb. Qeyd edək ki, Game Porting Tool, M1 və M2 prosessorlu Mac modellərində DirectX11 və DirectX12 daxil olmaqla bir çox Windows oyunlarını oynamağa imkan verir. Yəni artıq çox sadə proses ilə oyun həvəskarları da istədikləri oyunu Mac modellərinə ötürə bilər. Beləliklə bir qrup oyun həvəskarı Cyberpunk 2077 və Diablo IV kimi performans tələb edən oyunları Mac modellərinə ötürüb sınaqdan keçiriblər.
Nəticədə isə M2 Max prosessorlu Mac modei Cyberpunk 2077 oyunu ultra qrafiklərdə ortalama 40Fps verib. Maraqlısı budur ki, M1 prosessorunda bu rəqəm 15FPS olub. Qeyd edək ki, Diablo IV, Hogwarts Legacy və hətta GTA Vice City kimi oyunlarda heçbir performans problemi olmayıb. Ümumiyyətlə M2 Max prosessoru çox mükəmməl performans göstərib. Heçbir optimizasiya olmadan prosessor ən Ultra qrafikdə belə 40 FPS verib. Lakin gələcəkdə bir çox oyunun Mac modellərinə uyğun optimizasiya olunaraq təklif ediləcəyi gözlənilir.
