Xiaomi 20000 mAs batareya tutumuna sahib olan powerbank-nı yeniləyib təqdim etdi. Yeni Xiaomi Power Bank 3 modelini rəqiblərindən fərqləndirən əsas şey 2 girişi ilə də eyni anda sürətli şarjı dəstəkləməsidir. Üstəlik eyni anda üç cihazı şarj edə bilməkdədir. Şarj cihazının tək çıxışı 22,5 Vt ilə smartfonu şarj etmə potensialına malikdir. Xiaomi bu modelində iPhone istifadəçilərini də düşünüb. Xiaomi istehsalı Lightning kabeli ilə və ya hansısa bir orijinal kabeldən istifadə edərək yeni nəsil iPhone modellərini 30 dəqiqə ərzində təqribi 50-60% şarj edə bilərsiniz.
Xiaomi şirkətinin powerbank bazarında hal-hazırda önəmli bir yeri var. Yeni Xiaomi Power Bank 3 modeli həm özünü, həm də smartfon, qulaqlıq və planşet kimi cihazları eyni anda doldurmağı bacarır. Əgər enerji yuvası bir ədəddirsə Powerbank eyni anda 3 cihazı şarj edərək, öz batareyasını da doldura bilir. Eyni zamanda özü də 22,5 Vt ilə şarj olur. Xiaomi istehsalı 33W GaN adapteri ilə cihazı 6,9 saata doldurmaq mümkündür. Bəzi köhnə cihaz və aksesuarları da nəzərə alan şirkət powerbanka ayrıca microUSB portu əlavə edib. Yeni şarj cihazı, yalnız smartfonlar üçün deyil, həm də planşetlər üçün ideal köməkçi rolunu oynayır.
Yeni Xiaomi powerbank modelində fiziki düyməyə bir dəfə basmaqla standart cihazları şarj edə bilərsiniz. İki dəfə basmaqla isə ağıllı qolbaq və qulaqlıq kimi az enerji sərf edən cihazları enerjiyə qənaət edərək 2 saat ərzində doldura bilərsiniz. Powerbankın dizaynı sürüşməyən, cızılmayan və davamlı olan PC+ABS plastik (ətraf mühitin qoruyan) materialından hazırlanmışdır. Ekoloji cəhətdən təmiz materialından hazırlanan yeni powerbankı almaq üçün 22 dollar qiymət təyin edilib. Powerbank Xiaomi şirkətinin rəsmi Çin veb-saytında hazırda satışdadır.
Xiaomi şirkətinin yeni şarj cihazı haqqında nə düşünürsünüz? Fikirlərinizi aşağıdakı rəylər bölməsində bizimlə bölüşə bilərsiniz.
