Xiaomi şirkəti rəsmi olaraq Xiaomi Bone Conduction Headphones adlı yeni simsiz qulaqlığını təqdim edib. Cihazın ən əsas xüsusiyyəti adında da qeyd edildiyi kimi, səsləri hava ilə qulaq pərdəsinə deyil, almacıq sümüyü vasitəsilə birbaşa daxili qulağa ötürürməsidir. Şirkət bu üsulla istifadəçinin qulaqlarının tıxanmayacağını və istifadəçinin ətrafdakı səsləri də eşidə biləcəyini iddia edir. İstehsalçının sözlərinə görə, səs dalğalarının ötürülməsi üçün oxşar üsul dəniz məməlilərindən ilhamlanaraq hazırlanıb.
Xiaomi Bone Conduction simsiz qulaqlığının xüsusiyyətləri
Bu texnologiya sayəsində istifadəçilər heç bir şeydən təsirlənmədən musiqi dinləyərkən ətrafdakıların səsini eşidə bilir, beləliklə də ətraf mühitə hər zaman diqqət yetirə bilirlər. Xiaomi Bone Conduction qulaqlıqları Bluetooth 5.2 simsiz interfeysini dəstəkləyir və həmçinin USB Type-C ilə şarj olur. Şirkət, qulaqlığın gecikməsinin təxminən 86 ms qədər olduğunu iddia edir. Cihazın batareyası bir dəfə doldurulduqda 12 saat istifadə imkanı və hətta 5 dəqiqəlik şarj ilə 2 saata qədər musiqi dinləmə imkanı verir. Çəkisi 28 qram olan simsiz qulaqlıq, 2 mikrofonla təchiz edilib.
Cihaz IP66 spesifikasiyasına uyğun olaraq suya və toza davamlıdır, yəni yağışda belə istifadə oluna bilər və idman edənlər üçün tərə qarşı davamlıdır. Bu qulaqlıq elə məhz xüsusilə idman, o cümlədən açıq havada istifadə, normal qulaqlıq istifadə edə bilməyənlər üçün doğru seçim olacaq. Əlavə olaraq Xiaomi yeni simsiz qulaqlığı MIUI pop-up sürətli əlaqənisini dəstəkləyir. Xüsusi səs izolyasiyası ilə səsin kənara yayılmasını maksimum dərəcədə mühafizə edir. Cihaz telefona yaxın olduqda avtomatik olaraq əlaqəni təmin edə bilir. Yeni cihazın başlanğıc qiyməti 699 yuandır ($96). Hələ ki, yeni qulaqlıq Çində satışa çıxarılıb.
