Ötən aylarda Nvidia şirkəti RTX seriyasının yeni 4090 qrafik kartlarını təqdim etmişdi. Qeyd etmək lazımdır ki, bu qrafik kartlar hal-hazırda bazarda olan ən performanslı qrafik kartlar hesab olunur. Lakin Reddit istifadəçisi yeni 12VHPWR konnektorları ilə bağlı paylaşım edib. Belə ki, onlar paylaşımlarında GeForce RTX 4090 qrafik kartının güc konnektorlarının əriməsi ilə bağlı sübutları paylaşıb. Paylaşılan şəkillərdə açıq-aşkar görünür ki, qrafik kartın yaratdığı istilik səbəbindən elektrik kabelləri yararsız hala düşüb.
GeForce RTX 4090 qrafik kartında konnektorun çox isinməsinin əsas səbəbi nədir?
Nvidia şirkətinin indiyə qədər olan ən performanslı qrafik kartı olan GeForce RTX 4090 yüksək performans tələb edən anlarda 660 Vatt-a qədər enerji sərf edə bilir. Bu səbəbdən də qrafik kartı çox yüksək istilik dərəcələrinə çata bilər. Reddit-də paylaşılan şəkildə qrafik kartın 16 pinli enerji kabelinin və istifadəçinin çevirici kabelinin istiyə tab gətirmədiyi görünüb. Nvidia ilk dəfə 16 pinli enerji kabellərinə RTX 3090 Ti modelində keçid etmişdi. Daha sonra isə bu kabelləri yeni RTX seriyasında da istifadə etməyə başlayıb.
Enerji kabelinin əriməsinin əsas səbəbi, kabelin şaquli və ya üfüqi olaraq əyilməsidir. Lakin Nvidia dəfələrlə xəbərdarlıq etmişdir ki, kabeli əyən zaman onu qrafik kartından ən azı 35 mm məsafədə saxlayaraq əymək lazımdır. Görünən odur ki, paylaşım edən istifadəçi bu qaydaya əməl etmədiyi üçün kabel əriyib. Əlavə olaraq qeyd etmək lazımdır ki, ötən aylarda təqdim olunmuş RTX 4090 qrafik kartlarının başlanğıc qiyməti 1599$-dır.
Oyunlar barədə siz nə düşünürsünüz? Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
