ABB İnnovasiya Mərkəzi adı altında yaradılan mərkəz informasiya texnologiyaları sahəsində seçilmiş sahibkarlıq layihələrinə inkubasiya və akselerasiya mərhələlərində kömək göstərir. İnkubasiya prosesi erkən mərhələdə olan startapların böyüməsinə dəstəyi, startap layihələrinin icrasında ortaya çıxa biləcək problemlərin həllinə yardımı nəzərdə tutur. ABB İnnovasiya Mərkəzi tərəfindən İnnovasiya və Rəqəmsal İnkişaf Agentliyi ilə əməkdaşlıq çərçivəsində həyata keçirilən təşəbbüs erkən mərhələdə Startapların böyüməsi və bazara çıxışı üçün bir çox imkanları təklif edir. Bundan əlavə, startaplar ABB kimi etibarlı maliyyə institutu ilə işləmək şansı əldə edəcəklər. Yerli və beynəlxalq mentorlar proqram çərçivəsində texniki inkişafını və unikal məhsullarını əhəmiyyətli dərəcədə inkişaf etdirmək üçün komandalarla əməkdaşlıq edəcək.
ABB üçüncü inkubasiya proqramının başa çatmasından sonra startaplar öz konsepsiyalarını yerli və beynəlxalq investorlara nümayiş etdirmək şansı əldə edəcəklər. İnkubasiya proqramına qeydiyyatdan keçmək üçün aşağıdakı düymədən istifadə edə bilər və ya birbaşa linkə keçid edə bilərsiniz. ABB innovasiya mərkəzi startapınızı onlarla birlikdə uğurlu biznesə çevirmək üçün sizləri gözləyir.
