Xiaomi şirkəti 240 metr məsafəyədək işıqlandıra bilən Xiaomi MIJIA çoxfunksiyalı fənərini təqdim edib. Nəhəng Çin şirkəti ağıllı ev cihazları, smartfonlarında olduğu kimi digər texnoloji cihazları ilə də bazara liderlik edir. İndi isə şirkət yeni fənərini təqdim edib. Fənərin ən önəmli xüsusiyyətləri isə 1000 lümen parlaqlıq dəyərinə və çoxfunksiyalılığa sahib olmasıdır.
Xiaomi MIJIA fənərinin texniki göstəriciləri
Xiaomi MIJIA fənəri 1000 lümen parlaqlıq dəyərinə malik olan fənərin parlaqlığını, 3 fərqli rejimlə mühitə uyğun tənzimləyə bilərsiniz. Həmçinin fənərin lampa başlığı, teleskopik fokuslamağı dəstəkləyir. Qeyd etdiyimiz kimi, MIJIA çox funksiyalı fənərdir. Belə ki, fənər həmçinin təhlükəsizlik kəmərini kəsmək və ya pəncərəni sındırmaq üçün istifadə edilə bilər. Fənər həmçinin avtomobilə yapışmaq üçün maqnit xüsusiyyətinə də sahibdir. MIJIA çoxfunksiyalı fənəri 3100 mAh litium batareya ilə təchiz olunub.
Şirkətin iddiasına görə, fənər tək şarj ilə 90 saat enerji saxlaya bilir. Fənər 2 rəngli göstərici ilə batareya həcmini göstərə bilir. Type-C portu ilə şarj ola bilsə də, onu tam şarj etmək üçün nə qədər vaxt tələb olunduğu məlum deyil.
Xiaomi MIJIA çoxfunksiyalı fənərini 169 yuana (təxminən 40 manat) ön sifariş etmək mümkündür. Fənərin orijinal pərakəndə satış qiyməti isə 199 yuandır (təxminən 47 manat). Fənər 27 oktyabrdan etibarən satışa çıxarılacaq. Fənər artıq təxminən 1000 ədəddən çox sifariş olunub.
