Xiaomi proqram təminatı tərəfində yeni dövrə başlayacaq. Belə ki, Digital Chat Station mənbəsinə görə Xiaomi 14 seriyası ilə birlikdə yeni MiOS dövrü başlayacaq. Artıq MIUI dövrü sona çatır. Xiaomi şirkətinin bu ayın sonunda təqdim edəcəyi yeni flaqman seriyasında Android əsaslı MIUI interfeysi artıq olmaycaq. Bunun əvəzində isə yeni MiOS adlı interfeysə keçid edəcəyi bildirilir. Hətta bu addım ilə şirkət bütün şikayət edilən cəhətləri interfeysdən çıxaracaq. Xiaomi bu dəfə ciddi yeniliklər ilə qarşımıza çıxır.
Qeyd edək ki, etibarlı mənbələrə görə Xiaomi 14 seriyası MiOS ilə təchiz edildikdən sonra digər modellərə də bu yenilik əlavə olunacaq. Ümumiyyətlə Xioami 14 seriyasına daxil olan modellər barədə bəzi iddialar da mövcuddur. Belə ki, analtiklərə görə Xiaomi 14 Pro modeli 6.7 düymlük 2K təsvir ölçülü ekrana sahib olacaq. O cümlədən LTPO ekranın yenilənmə tezliyi 120 Hz olacaq. Ekran parlaqlığı isə pik həddə yəni 3000 nitə çatacaq. Dinamik tərəfində də bizləri Dolby Vision dəstəkli audio qarşılayacaq. Gorilla Glass Victus 2 ilə isə cihazın təhlükəsizliyi daha da artacaq.
Hətta yeni Xiaomi 14 modellərinin titan korpusa sahib olacağı gözlənilir. Görünən odur ki, Xiaomi rəqibləri ilə rəqabətə daxil ola biləcək çox güclü smartfon hazırlayır. Hətta yeni interfeys ilə smartfonu daha da təkmilləşdirir. Prosessor tərəfində isə bizləri Snapdragon 8 Gen 3 qarşılaycaq. Yəni yeni flaqman cihaz rahatlıqla üst seqmentlərdə olan bütün cihazlarla başabaş mübarizə aparacaq. Qiymət tərəfində isə hələlik məlumat yoxdur.
